“Индустриаль һәм технопарклар кече бизнес өчен мөһим”

«Эшемнең беренче көннәреннән үк индустриаль һәм технопаркларның сәнәгать һәм кече бизнес үсеше өчен мөһим инструмент булуын аңладым. Алар безгә коточкыч җитми иде. Һәм без аларны төзи башладык. Паркларның бер өлеше федераль акчага, бер өлеше безнең Үсеш корпорациясе һәм Төбәк фонды төзи.
Башкортстанда бүген 12 индустриаль парк һәм 18 технопарк бар. Аларда - 168 резидент, инвестицияләрнең гомуми күләме - 44 миллиард сумнан артык, 30 меңнән артык эш урыны булдырылган.
Уфаның Шакша микрорайонында "ПромЦентр" индустриаль паркының интенсив үсеше мине бик шатландыра. Хәзер монда масштаблы инвестпроект гамәлгә ашырыла. Аның буенча декабрь ахырында без 10 мең квадрат метр яңа җитештерү-склад корпусларын тапшырачакбыз, аның артыннан - тагын 30 мең квадрат метр.
Шунысы мөһим, төзелеш башланганда ук бездә бу мәйданны алырга әзер булган эшкуарлардан чират барлыкка килде. Бу безнең карар дөреслегенең төп күрсәткече. Димәк, безгә бу эшне дәвам итәргә кирәк.

P. S. Сүз уңаеннан, безнең индустриаль һәм технопарклар системасының көчле үсеше республиканың икенче ел рәттән ил төбәкләренең сәнәгать сәясәтенең нәтиҗәлелеге рейтингын җитәкләвенең бер сәбәбе булды» — дип яза Радий Хәбиров.