+21 °С
Болытлы
Икътисад
19 сентябрь 2022, 12:33
«Транспорт һәм төзелеш» халыкара конгрессында катнашучыларны бай программа көтә
Бу көннәрдә Уфада «Транспорт һәм төзелеш» халыкара конгрессы уза, аның кысаларында күп кенә тематик күргәзмәләр — эре габаритлы төзелеш техникасы, ретро-машиналар, вертолетлар, спорт автомобильләре, Уфаның 450 еллыгына проектлар, транспорт компанияләре күргәзмәләре оештырылган. 20-23 сентябрьдә 9.00 сәгатьтән 19.30 сәгатькә кадәр алар барлык теләүчеләр өчен дә ачык булачак.
«Транспорт һәм төзелеш» халыкара конгрессында катнашучыларны бай программа көтә
Бу хакта ЦУРда узган республика Хөкүмәте киңәшмәсендә беренче вице-премьер, икътисади үсеш министры Рөстәм Моратов сөйләде.
Башкортстан Башлыгы Радий Хабиров Мәгариф министрлыгына укучылар өчен дә экскурсияләр оештырырга кушты.
- Колледжларда укучылар барсыннар, андагы экспонатларны үз күзләре белән күрсеннәр, - диде республика җитәкчесе.
Рөстәм Моратов сөйләгәнчә, конгрессның беренче чарасы йөк машиналары йөртүчеләрнең ярышы булды, ә бүген «СтройЮность» I республика конкурсы старт ала — төзелеш һәм транспорт компетенцияләре буенча ярышларда 200 колледж укучысы катнаша.
Иртәгә эшлекле программа башланачак һәм күргәзмәләр ачылачак. Заманча асфальт заводы буенча инвестпроект аерым тәкъдим ителәчәк.
- 5 мең кунак, 700ләп катнашучы һәм спикер килүе көтелә. Конгресс партнеры - Беларусь Республикасы, иртәгә делегациянең килүен көтәбез, шулай ук Үзбәкстан, Казахстан, Төркия делегацияләре, "Росавтодор" җитәкчелеге, Транспорт министрлыгы, иҗтимагый һөнәри берләшмәләр вәкилләре. Кунаклар өчен программа — Белоруссия һәм Башкортстан артистлары катнашлыгындагы концертлар, яшьләр бәйрәмнәре, гастрофестиваль әзерләнде, — дип сөйләде Рөстәм Моратов.
- Бу, чыннан да, бик мөһим һәм җаваплы очрашулар булачак. Конгресс барышында шулай ук республикада „АМКОДОР“ производствосы эшләтеп җибәреләчәк, "МАЗ" дилер үзәген ачачакбыз — монда зур перспективалар бар, — дип билгеләп үтте Башкортстан Башлыгы.
Фото: "Башинформ" агентлыгы
Башкортстан Башлыгы Радий Хабиров Мәгариф министрлыгына укучылар өчен дә экскурсияләр оештырырга кушты.
- Колледжларда укучылар барсыннар, андагы экспонатларны үз күзләре белән күрсеннәр, - диде республика җитәкчесе.
Рөстәм Моратов сөйләгәнчә, конгрессның беренче чарасы йөк машиналары йөртүчеләрнең ярышы булды, ә бүген «СтройЮность» I республика конкурсы старт ала — төзелеш һәм транспорт компетенцияләре буенча ярышларда 200 колледж укучысы катнаша.
Иртәгә эшлекле программа башланачак һәм күргәзмәләр ачылачак. Заманча асфальт заводы буенча инвестпроект аерым тәкъдим ителәчәк.
- 5 мең кунак, 700ләп катнашучы һәм спикер килүе көтелә. Конгресс партнеры - Беларусь Республикасы, иртәгә делегациянең килүен көтәбез, шулай ук Үзбәкстан, Казахстан, Төркия делегацияләре, "Росавтодор" җитәкчелеге, Транспорт министрлыгы, иҗтимагый һөнәри берләшмәләр вәкилләре. Кунаклар өчен программа — Белоруссия һәм Башкортстан артистлары катнашлыгындагы концертлар, яшьләр бәйрәмнәре, гастрофестиваль әзерләнде, — дип сөйләде Рөстәм Моратов.
- Бу, чыннан да, бик мөһим һәм җаваплы очрашулар булачак. Конгресс барышында шулай ук республикада „АМКОДОР“ производствосы эшләтеп җибәреләчәк, "МАЗ" дилер үзәген ачачакбыз — монда зур перспективалар бар, — дип билгеләп үтте Башкортстан Башлыгы.
Фото: "Башинформ" агентлыгы
