+20 °С
Болытлы
Икътисад
29 сентябрь 2022, 06:50
Ульяновск өлкәсе делегациясе Башкортстан тәҗрибәсе белән танышты
Уфага эш сәфәре белән Ульяновск өлкәсеннән делегация килде. Эшлекле программаның бер пункты төбәкнең инвестицион үсеше тәҗрибәсе, Башкортстанда инвесторларны җәлеп итү чаралары белән танышу булды.
Ульяновск өлкәсе делегациясе Башкортстан тәҗрибәсе белән танышты
Фикер алышу ирекле диалог форматында үтте. Икътисади үсеш, Санлы үсеш, Эшкуарлык һәм туризм министрлыклары, Үсеш корпорациясе һәм Башкортстанның Стратегик эшләнмәләр үзәге вәкилләре үзләренең алдынгы тәҗрибәсе хакында сөйләде.
- Соңгы өч елда инвестиция кертемнәре динамикасы буенча Башкортстан Идел буе федераль округында лидер булып тора. Бу чорда республика инвестицияләрне 31,3 процентка арттырды. Эшлекле мохит сыйфаты һәм инвестиция һәм эшкуарлык эшчәнлеге уңайлылыгы буенча Башкортстан биш лидер төбәк арасына керә. Мондый казанышлар барлык дәрәҗәләрдәге инвесторлар белән комплекслы эш, шулай ук барлык инвестүткәргеч системаны тулысынча санлаштыру нәтиҗәсе булды, - дип билгеләде республика икътисади үсеш һәм инвестицион сәясәт министры урынбасары Светлана Малинская.
Очрашу барышында катнашучылар игътибарны эшкуарлык башлангычларына ярдәм итү һәм инвестицияләр җәлеп итү чараларына юнәлтте. Эшкуарлык һәм инвестиция эшчәнлеге субъектлары өчен күп кенә ташламалар һәм преференцияләр (җирне сатулашуларсыз арендага бирү, транспорт салымын түләүгә ташламалар һ.б.) инвестпроектларны төзүдә һәм гамәлгә ашыруда стимуллаштыручы фактор булып тора.
- Хәзерге вакытта республикада өстенлекле инвестиция проекты статусына инвестицияләр күләме 767,6 миллиард сум һәм 33,9 мең эш урыны булдырылган 289 проект ия. Башкортстан Хөкүмәтенең инвесторлар белән турыдан-туры диалогын гамәлгә ашыру инвестиция эшчәнлеген җәлеп итүнең һәм аңа ярдәм итүнең иң нәтиҗәле механизмнарының берсе булып тора. Бу максатларда атна саен төбәкнең инвестиция комитеты утырышлары "Инвестицион сәгать" форматында уздырыла. Биредә без инвестор ихтыяҗлары өчен преференцияләрне җайлаштыру һәм проектны тормышка ашыруның оперативлыгы принцибыннан чыгып эш итәбез, - диде икътисади үсеш һәм инвестицион сәясәт министры урынбасары Марат Исламов.
Ульяновск өлкәсе кунакларында алгарышлы социаль-икътисади үсеш территорияләре кысаларында инвестицияләр җәлеп итү практикасы аеруча зур кызыксыну уятты. Күрше төбәктә бүген моношәһәрләр базасында төзелгән ике алгарышлы социаль-икътисади үсеш территориясе эшли, ә Башкортстанда шундый биш территория бар. Аларда инвестиция проектлары төрле тармакларда: эшкәртү, азык-төлек, җиңел сәнәгать, мәгълүмат технологияләре һәм сәламәтлек саклау өлкәсендә гамәлгә ашырыла. Бу проектларны гамәлгә ашыру Башкортстанга 6,5 миллиард сумнан артык акча җәлеп итәргә һәм 4,5 меңнән артык яңа эш урыны булдырырга мөмкинлек бирде. Хәзер алгарышлы социаль-икътисади үсеш территорияләрендә 124 компания эшли.
Ульяновск өлкәсе делегациясенең визиты программасы «Киләчәк фабрикасы» коворкинг базасында эшкуарлык институтларын үстерү мәсьәләләре буенча киңәшмә белән дәвам итте. Бүген кунаклар "Уфа" индустриаль паркында булачак. Шулай ук Уфа шәһәренең бизнес-шерифы белән эшлекле очрашу каралган.
Фото: pravitelstvorb.ru
- Соңгы өч елда инвестиция кертемнәре динамикасы буенча Башкортстан Идел буе федераль округында лидер булып тора. Бу чорда республика инвестицияләрне 31,3 процентка арттырды. Эшлекле мохит сыйфаты һәм инвестиция һәм эшкуарлык эшчәнлеге уңайлылыгы буенча Башкортстан биш лидер төбәк арасына керә. Мондый казанышлар барлык дәрәҗәләрдәге инвесторлар белән комплекслы эш, шулай ук барлык инвестүткәргеч системаны тулысынча санлаштыру нәтиҗәсе булды, - дип билгеләде республика икътисади үсеш һәм инвестицион сәясәт министры урынбасары Светлана Малинская.
Очрашу барышында катнашучылар игътибарны эшкуарлык башлангычларына ярдәм итү һәм инвестицияләр җәлеп итү чараларына юнәлтте. Эшкуарлык һәм инвестиция эшчәнлеге субъектлары өчен күп кенә ташламалар һәм преференцияләр (җирне сатулашуларсыз арендага бирү, транспорт салымын түләүгә ташламалар һ.б.) инвестпроектларны төзүдә һәм гамәлгә ашыруда стимуллаштыручы фактор булып тора.
- Хәзерге вакытта республикада өстенлекле инвестиция проекты статусына инвестицияләр күләме 767,6 миллиард сум һәм 33,9 мең эш урыны булдырылган 289 проект ия. Башкортстан Хөкүмәтенең инвесторлар белән турыдан-туры диалогын гамәлгә ашыру инвестиция эшчәнлеген җәлеп итүнең һәм аңа ярдәм итүнең иң нәтиҗәле механизмнарының берсе булып тора. Бу максатларда атна саен төбәкнең инвестиция комитеты утырышлары "Инвестицион сәгать" форматында уздырыла. Биредә без инвестор ихтыяҗлары өчен преференцияләрне җайлаштыру һәм проектны тормышка ашыруның оперативлыгы принцибыннан чыгып эш итәбез, - диде икътисади үсеш һәм инвестицион сәясәт министры урынбасары Марат Исламов.
Ульяновск өлкәсе кунакларында алгарышлы социаль-икътисади үсеш территорияләре кысаларында инвестицияләр җәлеп итү практикасы аеруча зур кызыксыну уятты. Күрше төбәктә бүген моношәһәрләр базасында төзелгән ике алгарышлы социаль-икътисади үсеш территориясе эшли, ә Башкортстанда шундый биш территория бар. Аларда инвестиция проектлары төрле тармакларда: эшкәртү, азык-төлек, җиңел сәнәгать, мәгълүмат технологияләре һәм сәламәтлек саклау өлкәсендә гамәлгә ашырыла. Бу проектларны гамәлгә ашыру Башкортстанга 6,5 миллиард сумнан артык акча җәлеп итәргә һәм 4,5 меңнән артык яңа эш урыны булдырырга мөмкинлек бирде. Хәзер алгарышлы социаль-икътисади үсеш территорияләрендә 124 компания эшли.
Ульяновск өлкәсе делегациясенең визиты программасы «Киләчәк фабрикасы» коворкинг базасында эшкуарлык институтларын үстерү мәсьәләләре буенча киңәшмә белән дәвам итте. Бүген кунаклар "Уфа" индустриаль паркында булачак. Шулай ук Уфа шәһәренең бизнес-шерифы белән эшлекле очрашу каралган.
Фото: pravitelstvorb.ru
