Башкортстанда дрон-пилотсыз очкычлар өчен эксперименталь режим эшли башлаячак

Башкортстан Хөкүмәте Премьер-министры Андрей Назаров социаль челтәрләрдә пост урнаштырган.

“Яхшы хәбәрләр. Русия Икътисади үсеш министрлыгы Башкортстанда алдагы өч елда дрон-пилотсыз очкычлар өчен эксперименталь режим башлап җибәрәчәк.

Башкортстан пилотсыз тармакны формалаштыру һәм үстерү өчен уникаль шартларга ия: инфраструктура, үсеш һәм финанс институтлары, кадрлар һәм фәнни эшләнмәләр, эшкуарлыкка һәм инновацияләргә дәүләт ярдәме күрсәтү системасы үскән, авиатөзелеш тәҗрибәсе булган җитештерү предприятиеләре, шулай ук төбәктә үз производствосын урнаштырырга әзер бизнес-партнерлар.

Республикада ЭПР кысаларында хәл ителә торган өстенлекле бурыч - 30 килограммнан артык авырлыктагы БАС эксплуатацияләүне чикләүне бетерү. Мондый эксперименталь хокукый режимнар безнең илебезнең биш субъектында урнаштырылган, әмма Башкортстанда мөһим аерма бар: пилотсыз очкычлар йөк ташый гына түгел, авиахимик эшләрне дә үти, авыл хуҗалыгы корткычларына, янгыннарга һәм законсыз кискенлекләргә каршы көрәштә ярдәм итә алачак.

Шуңа күрә эшләнгән программа кысаларында ЭПР куллануның 4 өстенлекле юнәлеше тәкъдим ителде:

Авыл хуҗалыгы. Дөнья базары күләме 2025 елга 5,7 миллиард доллар тәшкил итәчәк. Җир фондына аудит үткәрәчәкбез, ашламалар кертүне, авыл хуҗалыгы культураларын һәм терлекләрен мониторинглауны, орлыклар чәчүне дифференциацияләп үтәчәкбез. Шул сәбәпле, чыгымнарны киметү һәм культураларның уңышын арттырабыз.

Урман хуҗалыгы. Дөнья базары күләме 2025 елга - 1,3 миллиад доллар. Урманнарны саклау һәм яңадан торгызу нәтиҗәлелеген арттыра алабыз.

Сызыклы объектларның мониторингы. Традицион методлар белән чагыштырганда, бәяне 6 тапкырга кыскартабыз, 181 миллионсум акчаны янга калдырабыз. Бу юнәлештә пилотсыз очкычларны куллану буенча норматив тармак чикләүләре юк.

Йөк ташулар. Дөнья базары күләме 2027 елга 7,4 миллиад долларга җитәргә мөмкин. Пилотсыз очкычларны еспубликаның транспорт-логистика системасында куллану йөк ташуның логистик чыгымнарын кыскартачак. Бу автотранспортка караганда 1,3-10,5 тапкыр тизрәк һәм 1,5-18 тапкыр арзанрак булачак. Экология яхшырачак, транспорт йөкләнеше кимиячәк.

Технологияләр безнең тормышыбызга нык керде, прогресс күп процессларны шактый гадиләштерә: хәзер без, сезонга бәйсез рәвештә, республиканың ерак территорияләре белән элемтәдә була алабыз.

Башкортстанда ЭПР 2024 елга шәхси инвестицияләрнең гомуми күләме 2 миллиард сум, ә 2030 елга - 5,8 миллард сум булган Башкортстанның "пилотсыз гражданнар авиациясе тармагын булдыру" үсешенең аерылгысыз өлеше булып тора. Проект Русия Федерациясе Хөкүмәте Рәисе урынбасары - Идел буе федераль округы кураторы Дмитрий Чернышенко тарафыннан сайлап алынды”, - дип яза Андрей Назаров.

Фото: vk.com/agnazarov

Автор:Фануз Хабибуллин

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27