Республикада сәнәгать туризмы популярлаша

2021 елның августыннан Башкортстан генерацияләү компаниясе объектларында 600дән артык экскурсия үткәрелгән. Бу хакта Башкортстан Хөкүмәте Премьер-министры Андрей Назаров социаль челтәрләрдә пост урнаштырган.

Премьер-министр сүзләренә караганда, Башкортстан генерацияләү компаниясе һәм Павлов исемендәге генерацияләү компаниясе - сәнәгать туризмы буенча II Бөтенрусия акселераторында катнашкан сигез башкорт предприятиесенең икесе.

- Сәнәгать бизнесының турпрограммаларны гамәлгә ашырудан төп табышы - имиджга инвестицияләр. Бу акселераторда булу төбәккә сәнәгать туризмын үстерүнең үз стратегиясен, предприятиеләр буенча экскурсия программаларын эшләргә, ә аннары аларны федераль туроператорларга тәкъдим итәргә мөмкинлек бирәчәк, - дип белдерде Андрей Назаров.

- Соңгы елларда сәнәгать туризмы ял индустриясендә тенденциягә әверелә. Республика предприятиесенең II Бөтенрусия акселераторында катнашуы - безнең төбәк өчен зур адым, - дип ассызыклады республиканың эшкуарлык һәм туризм министры Рөстәм Афзалов.

Русиянең Сәнәгать һәм сәүдә министрлыгы ярдәмендә Стратегик башлангычлар агентлыгы "Ачык сәнәгать" сәнәгать туризмын үстерү буенча II Бөтенрусия акселераторына төбәкләрдә гаризалар сайлап алу үткәрелде. Быел илнең 39 төбәгеннән 258 предприятие анда катнашуга гариза биргән. Анда 15 команда, шул исәптән безнең республика командасы составында 159 предприятие катнашкан.

Фото: pravitelstvorb.ru