Артта калмыйбыз - алга барабыз!

- Кече сәүдә форматы урындагы җитештерүчеләр продукциясе өчен җитди сату каналы булып тора. Димәк, базарда аның сәүдә киштәләрен яулавын арттырырга ярдәм итә, - дип билгеләп үтте Алексей Гусев. - Әмма монда урыннарда җитештерелгән товарларның көндәшле өстенлекләрен арттыру да мөһим. Бездә бу максатларда «Башкортстан продукты» проекты тормышка ашырыла.

Сәүдә министры хәбәр иткәнчә, 2021 елның 9 декабрендә Башкортстан Республикасында сәүдә эшчәнлеген җайга салу мәсьәләләре буенча Ведомствоара комиссиянең беренче утырышы нәтиҗәләре буенча стационар булмаган сәүдә объектларын 10000 кешегә 9дан 12 объектка кадәр арттыру күрсәткече билгеләнгән. Тулаем республика буенча, яңа объектларны урнаштыру динамикасын исәпкә алып, агымдагы елда да бу күрсәткеч үтәләчәк дип фаразлана. 2023 елга республика Хөкүмәте бу күрсәткечне 10000 кешегә 24кә кадәр арттыру бурычын куйды.

- Товар җитештерүчеләр өчен склад, транспорт һәм комплектлау логистикасы рәвешендә сыйфатлы инфраструктура белән тәэмин итү мөһим. Бу юнәлештә дә без актив эш алып барабыз, - дип йомгаклады Алексей Гусев.

Конференциянең эшлекле программасында тармак өчен иң актуаль темаларга чаралар: санкция басымы шартларында кече һәм урта сәүдәнең гомум проблемалары, хәзерге шартларда кече сәүдә формаларының (беренче катларда кибетләр, НТО, МТО, ярминкәләр) эш үзенчәлекләре, акцизлы товарлар әйләнеше һәм башка мәсьәләләр каралды.