Мөһим социаль мәсьәләләр федераль дәрәҗәдә каралды

Утырышны ачып, Игорь Комаров билгеләп үткәнчә, кешеләрнең иминлеге, тормышның муллыгын һәм сыйфатын үстерү, үсеш өчен шартлар барлык хакимият органнары эшендә төп юнәлеш булырга тиеш.

- Кешеләрнең социаль әһәмияткә ия карарлар кабул итүдә катнашуы, дәүләт ресурслары нәтиҗәле һәм халык таләпләренә туры китереп файдаланылуы мөһим. Бу эшчәнлекнең барлык өлкәләренә, шул исәптән уңайлы мохит булдыруга да кагыла. Идел буе федераль округының барлык төбәкләрендә дә шәһәр тирәлегенең сыйфат индексы үсә, бу төбәк хакимиятенең нәтиҗәле эше турында сөйли, - дип белдерде Русия Федерациясе Президентының Идел буе федераль округындагы Тулы вәкаләтле вәкиле Игорь Комаров.

Игорь Комаров шәһәрләрне һәм авылларны, аларның иҗтимагый киңлекләрен һәм социаль инфраструктурасын уңышлы үзгәртүнең мөһим шарты – халыкның әлеге процесска катнашу дәрәҗәсе, дип өстәде. Өстәвенә, ул Башкортстанда гамәлгә ашырыла торган инициативалы бюджетлаштыру программасын уңышлы үрнәк итеп китерде. Игорь Комаров шулай ук Башкортстан Башлыгы Радий Хәбировның "Туры элемтә"сенең нәтиҗәлелеген югары бәяләде. Быел ул 27 октябрьдә булды. Халык белән аралашу нәтиҗәләре буенча төбәк җитәкчесе җаваплы башкаручыларга мәсьәләләрне хәл итүнең конкрет сроклары белән берничә йөкләмә бирде.

Ә төбәк җитәкчесе Радий Хәбиров санлы инновацияләрнең халык белән элемтә формалаштыруда мөһим ролен билгеләп үтте.

- "Инцидент менеджмент" һәм "Дәүләт хезмәтләре. Бергәләп хәл итәбез" кире элемтә платформасының уңышлы интеграциясе проблемалы кырны бәяләү буенча мөһим инструментка әверелде. Бу диалогта төбәкләр белән идарә итү үзәкләре (ЦУР) шактый ярдәм күрсәтә. Башкортстанда ЦУР хезмәткәрләре муниципалитетлар, төбәк һәм федераль министрлыклар һәм ведомстволар белән хезмәттәшлек итә. Аларның һәркайсына ЦУР кураторы беркетелгән, ул халык әйткән мәсьәләләрне хәл итү сыйфатын күзәтеп тора. ЦУР мөрәҗәгатьләрне анализлый, системалы сорауларны ачыклый, киңәшмәләр һәм фокус-төркемнәр үткәрә. Нәтиҗәләр профильле киңәшмәләрдә җиткерелә. Һәр дүшәмбе республика Хөкүмәтенең оператив киңәшмәсендә без халыкны нинди мәсьәләләр борчый дигән докладны тыңлыйбыз, - дип өстәде Радий Хәбиров.

Чара кысаларында Башкортстан җитәкчесе Радий Хәбиров шулай ук фейклар таратуга каршы көрәш хакында да сөйләде.

Фото: glavarb.ru