+21 °С
Болытлы
Икътисад
17 декабрь 2022, 12:30
“Алга” - иң динамикалы үсешүче махсус икътисади зона
Башкортстан Хөкүмәте Премьер-министры Андрей Назаров Русия махсус икътисади зоналарының (МИЗ) инвестицион җәлеп итүчәнлегенең VI илкүләм рейтингын тәкъдим итүдә катнашты. 2022 ел йомгаклары буенча «Алга» махсус икътисади зонасы 4 пунктка менгән, исемлектә 8нче урынны алды. Моннан тыш, «Алга» икътисади зоналар арасында иң динамик үсештәге сәнәгать-җитештерү тибындагы статусны раслады. Рейтинг нәтиҗәләрен кластерлар, технопарклар һәм МИЗ ассоциациясе директоры Андрей Шпиленко тәкъдим итте.
“Алга” - иң динамикалы үсешүче махсус икътисади зона
- Мин аерым бер дулкынлану белән шуны әйтергә телим, инде берничә ел дәвамында, мәйданчыкларның берсе инвестицион җәлеп итүчәнлек лидеры булып тора. Бу быел иң яхшы инвестицион-җәлеп итүчән махсус икътисади зоналарның 10 еллыгына кергән иң динамикалы үсүче мәйданчык. Ул мәйданчыклар арасында инвестицияләр җәлеп итү өчен көндәшлек үсә генә бара. Шулай итеп, бу 2 ел эчендә икътисади могҗиза кылган иң динамикалы мәйданчык Башкортстанда «Алга» махсус икътисади зонасы булды, - диде Андрей Шпиленко.
Русия Кластерлар, технопарклар һәм МИЗ ассоциациясе директоры сүзләренә караганда, Башкортстан Хөкүмәте тарафыннан МИЗ эчендә инфраструктура булдыруга юнәлтелгән актив эш алып барыла. Бүген эшкуарлык эшчәнлеген кертү өчен уңай шартлар тудырылган. Мәсәлән, ирекле таможня зонасы инфраструктурасы булдырылган.
- Шуны да әйтергә кирәк, «Алга» Русиядә беренчеләрдән булып эксперимент булды, тотрыклы үсеш максатларына ирешүгә юнәлтелгән модельне гамәлгә кертте, шул рәвешле инвестицияләр җәлеп итү өчен уңай шартлар тудырды, - дип өстәде Андрей Шпиленко.
- Узган ел белән чагыштырганда, инвестицияләр җәлеп итүдә төбәк хакимиятенә ярдәм итү дәрәҗәсен яхшырттык, сәнәгать объектлары төзелешенә рөхсәт алу өчен кирәкле чор кимеде, аларны анализлап һәм инвестиция проектларын ачыклап, өстәмә бәянең җитештерү чылбырлары белән эшлибез, инвесторларга документлар пакеты җыюда, һәр инвестпроектка шәхси проект менеджерын беркетеп, бизнес-план һәм финанс моделен формалаштыруда ярдәм итәбез, - диде Андрей Назаров. - Хәзерге вакытта махсус икътисади зона резиденты статусын 12 резидент алды, инвестицияләр күләме 42 млрд. сумнан артык, 2058 эш урыны булдыру планлаштырыла.
Фото: pravitelstvorb.ru
