Кече һәм урта эшкуарлыкка ишекләр ачык!

Шулай итеп, проектта катнашучылар икмәк һәм кондитер эшләнмәләре, туңдырылган ярымфабрикатлар, колбаса, сөт продукциясе, бакалея һәм азык-төлек булмаган товарлар белән тәэмин итәчәкләр.

Сөйләшүләр барышында катнашучылар производство турында сөйләде. Шулай ук тәэмин итү, сатып алу бәясе, ассортимент һәм логистика таләпләре турында фикер алышты. Очрашу җитештерүчеләргә продукцияне күрсәтергә һәм хезмәттәшлекнең мөһим мәсьәләләрен ачыкларга мөмкинлек бирде.

- Урындагы җитештерүчеләрнең «Алексеевка» агросәнәгать комплексы белән махсус очрашуы проект тарафыннан инде икенче тапкыр оештырыла. Узган конференция нәтиҗәләре буенча комплекс локаль предприятиеләрдән 80 процентка торган тәэмин итүчеләр пулын формалаштыра алды, - дип билгеләп үтте Башкортстан Республикасының сәүдә һәм хезмәтләр күрсәтү министры Алексей Гусев.

Исегезгә төшерәбез, «Алексеевка» - республикада ел әйләнәсендә яшелчә, җиләк һәм яшел культуралар үстерү, шулай ук сөт продукциясе җитештерү белән шөгыльләнүче танылган предприятие. Компания үзе җитештергән продукцияне сата торган фирма кибетләренең үсеш алган челтәренә ия. «Алексеевка» комплексы Уфада 55 кибет тота.

Фото: pravitelstvorb.ru