“Черкизово” республикага инвестицияләр сала

2022 елның декабрендә «Черкизово» төркеме «Русское зерно Уфа» компанияләр төркеменең кайбер кошчылык һәм үсемлекчелек активларын сатып алган иде. Алар арасында - «Башкирское зерно», «Уфа икмәк комбинаты», «Трубаслинские бройлеры».

Башкортстан Башлыгы Радий Хәбиров республиканың эшкәртү производстволарын үстерү белән кызыксынуын ассызыклады.

- Сез - авыл хуҗалыгы өлкәсендә безнең эре партнерыбыз. Без һәрвакыт көйле эшлибез. Сезгә тагын да ныграк үсеш өчен ярдәм итә алырлык чаралар турында фикер алышырга әзербез, - дип билгеләде төбәк җитәкчесе.

Сергей Михайлов хәбәр иткәнчә, якын арада сатып алынган активларны модернизацияләү башланачак.

- Без предприятиеләрне үзгәртеп коруны һәм реконструкцияләүне уздырачакбыз. Инвестицияләрнең гомум күләме якынча 500 миллион сум тәшкил итәчәк. Киләсе елда җитештерүчәнлекне елына 65 меңнән 100 мең тоннага кадәр арттырырга, ә алга таба аны 120 мең тоннага җиткерергә планлаштырабыз. Моннан тыш, элек бу предприятиеләр экспортка эшләмәгән. Ә хәзер без Кытайга товар җибәрүгә гариза бирдек инде, – дип сөйләде Сергей Михайлов.

Фото: cherkizovo.com