Республикада уникаль сөт комплексы эшен дәвам итә

Заманча комплекс 2022 елның көзендә эшли башлады. Бу - республика территориясендә сөт терлекчелеге өлкәсендәге иң зур проект. Ферма төзелешенә инвестицияләр күләме 3,1 миллиард сум тәшкил итте. Ул 2 800 сыерга һәм 3 200 баш яшь терлеккә исәпләнгән.

"Өч ел элек кенә биредә чиста кыр иде. Хәзер - бик зур, югары технологияле предприятие. Без бүген районнар башлыклары белән бергә Ярмәкәй районында «Семёно-Макарово» сөт комплексы ничек эшләгәнен карадык. Республика өчен нәкъ менә шундый – эре, нәтиҗәле, яхшы, "җиренә җиткерелгән" предприятиеләрнең барлыкка килүе бик мөһим. Алар артында киләчәк - алар зур күләмнәр бирә, аларның сыйфат стандартлары югары", - дип яза Радий Хәбиров социаль челтәрләрдәге рәсми битендә.

"ЭкоНива" компаниясе президенты Штефан Дюрр "Семено-Макарово" комплексының заманча җиһазлар белән тәэмин ителүе турында сөйләде. Радий Хәбиров шулай ук предприятиенең продукциясен татып карады: кефир, сыр, сөт, эремчек, каймак, йогурт. Штефан Дюрр билгеләп үткәнчә, холдинг үзенең сөт продуктларын җәмәгать туклануы эре челтәрләренә, шул исәптән "Вкусно – и точка" һәм "Шоколадница" китерә.

Республика Башлыгы «ЭкоНива» холдингы җитәкчелегенә проектны гамәлгә ашырганнары өчен рәхмәт белдерде.

- Катлаулы вакытларда шундый комплекс төзеп куюыгыз өчен рәхмәт. Өч ел элек монда кыр булган, ә хәзер заманча индустриаль сөт җитештерү эшли. Ышанычлы булуыгыз өчен рәхмәт. Алга таба да бергә эшләрбез дип ышанам, - дип ассызыклады Радий Хәбиров.

Фото: glavarb.ru