+20 °С
Болытлы
Икътисад
6 апрель 2023, 18:24
Кытай белән хезмәттәшлек ныгый
6 апрельдә Республика йортында Башкортстан Башлыгы Радий Хәбиров Кытайның Zoomlion компаниясенең чит ил бүлекчәсе генеральный директоры Синхуа Чжан белән очрашты. Транснациональ сәнәгать холдингы - дөньяның иң эре авыл хуҗалыгы, төзелеш һәм автомобиль юллары техникасы җитештерүчеләренең берсе.
Кытай белән хезмәттәшлек ныгый
Көн тәртибендә Zoomlion компаниясенең Русиядә авыр машиналар җыюны локальләштерү проектын, ә киләчәктә тулы цикллы җитештерүне башлап җибәрү.
– Русия Президенты Владимир Путинның Кытай Халык Республикасы Рәисе Си Цзиньпин белән очрашуы безнең илләрнең үзара хезмәттәшлеге яңа дәрәҗәгә, шул исәптән төбәк дәрәҗәсенә күчүенең көчле сигналы булды, - дип билгеләп үтте Синхуа Чжан. - Безнең Башкортстанда эшләргә ниятебез бар. Без предприятие төзелешен мөмкин кадәр тизрәк башларга телибез. Заводны нульдән төзиячәкбез, шуңа күрә безгә кирәкле тәҗрибәсе һәм инфраструктурасы булган көчле урындагы партнер кирәк.
Zoomlion компаниясе җитәкчелеге белән әңгәмәдә Радий Хәбиров ассызыклаганча, Башкортстан инвестмохит торышы милли рейтингында лидер-төбәкләр исәбенә керә. Республикада шулай ук эшкуарлык башлангычларына ярдәм итү чараларының киң спектры гамәлдә.
Машина төзелеше холдингы вәкилләре билгеләп үткәнчә, беренче этапта җыю мәйданчыгы булдыру продукциянең үзкыйммәтен киметергә һәм урындагы компонентлар җитештерүчеләрне җәлеп итәргә мөмкинлек бирәчәк.
Радий Хәбиров Кытай компаниясенә оештыру мәсьәләләре белән шөгыльләнүче Республика операторын бергәләп билгеләргә тәкъдим итте. Төбәк Башлыгы, шулай ук, хәбәр иткәнчә, Башкортстанның Zoomlion компаниясенең яңа җитештерү комплексы өчен әзер мәйданчыклары бар.
- Без даими рәвештә көчле һәм компетентлы партнерлар эзлибез, шул исәптән Кытайдан да. Безгә, һичшиксез, сәнәгать кооперациясе өлкәсендәге проектлар кызыклы, - диде Радий Хәбиров. - Бездә үсеш алган сәнәгать, төрле тармакларда югары компетенцияләр бар.
Очрашу нәтиҗәләре буенча Башкортстан Башлыгы 2023 елның май ахырында видеоконференция режимында проектны гамәлгә ашыру барышы турында фикер алышырга тәкъдим итте.
Фото: Башкортстан Башлыгы
– Русия Президенты Владимир Путинның Кытай Халык Республикасы Рәисе Си Цзиньпин белән очрашуы безнең илләрнең үзара хезмәттәшлеге яңа дәрәҗәгә, шул исәптән төбәк дәрәҗәсенә күчүенең көчле сигналы булды, - дип билгеләп үтте Синхуа Чжан. - Безнең Башкортстанда эшләргә ниятебез бар. Без предприятие төзелешен мөмкин кадәр тизрәк башларга телибез. Заводны нульдән төзиячәкбез, шуңа күрә безгә кирәкле тәҗрибәсе һәм инфраструктурасы булган көчле урындагы партнер кирәк.
Zoomlion компаниясе җитәкчелеге белән әңгәмәдә Радий Хәбиров ассызыклаганча, Башкортстан инвестмохит торышы милли рейтингында лидер-төбәкләр исәбенә керә. Республикада шулай ук эшкуарлык башлангычларына ярдәм итү чараларының киң спектры гамәлдә.
Машина төзелеше холдингы вәкилләре билгеләп үткәнчә, беренче этапта җыю мәйданчыгы булдыру продукциянең үзкыйммәтен киметергә һәм урындагы компонентлар җитештерүчеләрне җәлеп итәргә мөмкинлек бирәчәк.
Радий Хәбиров Кытай компаниясенә оештыру мәсьәләләре белән шөгыльләнүче Республика операторын бергәләп билгеләргә тәкъдим итте. Төбәк Башлыгы, шулай ук, хәбәр иткәнчә, Башкортстанның Zoomlion компаниясенең яңа җитештерү комплексы өчен әзер мәйданчыклары бар.
- Без даими рәвештә көчле һәм компетентлы партнерлар эзлибез, шул исәптән Кытайдан да. Безгә, һичшиксез, сәнәгать кооперациясе өлкәсендәге проектлар кызыклы, - диде Радий Хәбиров. - Бездә үсеш алган сәнәгать, төрле тармакларда югары компетенцияләр бар.
Очрашу нәтиҗәләре буенча Башкортстан Башлыгы 2023 елның май ахырында видеоконференция режимында проектны гамәлгә ашыру барышы турында фикер алышырга тәкъдим итте.
Фото: Башкортстан Башлыгы
