Радий Хәбиров «Эксперт Урал» журналына интервью бирде

- Соңгы елда илебез бик җитди чакырулар белән бәрелеште, шул исәптән икътисадта да. Шул ук вакытта, 2022 елда Башкортстан сәнәгать җитештерүе үсешен 2,7 процентка күрсәтте - округта иң яхшы күрсәткечләрнең берсе. Моңа нинди факторлар исәбенә ирешеп булды? – дигән сорау бирелде.

- Башкортстан икътисады инде дүртенче ел үсештә. Нефть-газ, машина төзү, башка бик күп тармакларда уңай динамика күзәтелә. 2023 елны да без шулай ук үсеш белән тәмамлыйбыз дип өметләнәм, хәер, әлбәттә, санкцион басым белән бәйле билгеле бер катлаулылыклар бар, - диде Радий Хәбиров. - Шундый үсешне тәэмин итүче барлык предприятиеләр җитәкчеләренә зур рәхмәт. Бу елларда без республикада сәнәгатькә дәүләт ярдәме күрсәтү системасын формалаштырдык. Безнең өчен бу - төп бурыч. Минемчә, нәкъ менә шуңа күрә Башкортстан соңгы ике елда сәнәгать сәясәте нәтиҗәлелеге буенча Русия Сәнәгать һәм сәүдә министрлыгы рейтингында беренче урында тора.

Барыннан да элек, бу бары тик оештыру эшләре. Минем эш структурасында «Сәнәгать сәгате» һәм «Инвестиция сәгате» дигән тематик киңәшмәләр бар. Бездә бизнес-шерифлар институты яхшы эшли. Бу муниципалитет башлыкларының инвестицияләр җәлеп итү, предприятиеләрне модернизацияләү өчен җаваплы урынбасарлары.

Башкортстанда эшләнгән ярдәм чаралары да үзләрен шактый нәтиҗәле күрсәтте. Мәсәлән, безнең республиканың сәнәгать үсеше фонды эш күрсәткечләре буенча тотрыклы рәвештә ил буенча беренче өчлеккә керә. Русия Сәнәгать һәм сәүдә министрлыгына да зур рәхмәт, без аның белән федераль сәнәгать үсеше фонды аша зур бурычлар хәл итәбез. Башкортстанның кайбер предприятиеләре Русия федераль сәнәгать үсеше фондыннан 1,5-2 млрд сум күләмендә займ алды.

Икътисадны үстерүгә шулай ук индустриаль һәм технопарклар да ярдәм итә, алар безнең республикада инде 30га якын. Ә ике тапкыр күбрәк кирәк, шуңа күрә яңаларын төзүне дәвам итәбез. Кызганычка каршы, Русия Сәнәгать һәм сәүдә министрлыгы линиясе буенча мондый паркларны финанслауга һәм төзүгә ярдәм итү буенча кайбер программалар туктатылды, шуңа күрә моны республика акчаларына эшлибез. Моңа бизнесны да җәлеп итү мөһим.

Фото: glavarb.ru