1 июльдән Башкортстанда инвестицияләрне яклау программасы эшли башлаячак

9 июньдә Уфада Башкортстан Башлыгы Радий Хәбиров һәм Стратегик инициативалар агентлыгы (АСИ) генеральный директоры Светлана Чупшева республика инвестицияләрне яклау һәм бүләкләү программасын тәкъдир итүдә катнаштылар. Бу - төбәктә эшләнгән эшкуарлык проектларын озата баруда яңа алым.

Исегезгә төшерәбез, 2023 елның март ахырында республика җитәкчесе инвестиция сәясәтен камилләштерү буенча киңәшмә уздырды. Анда Радий Хәбиров инвестицияләр җәлеп итү өлкәсендә гамәлдәге норматив-хокукый базаны актуальләштерү зарурлыгын ассызыклады.

Тәкъдим итүдә Башкортостан Башлыгы билгеләп үткәнчә, төбәктә инвестиция инструментлары үсешенең икенче этабын эшләтеп җибәрәчәкләр.

- Безнең республикада инде берничә ел инвесторларга ярдәм итүнең киң исемлеге гамәлдә - бизнес-шерифлар институты, муниципаль һәм республика дәрәҗәләрендәге “Инвестсәгать”, кластер сәясәте, преференция территорияләре. Эшкуарларыбызның тырышлыгын күреп алу мөһим. Үткән ел нәтиҗәләре буенча Башкортстан икътисадына кертемнәр 500 млрд. сумнан артып китте, - диде Радий Хәбиров. - Ләкин без бу инструментларның мөмкинлекләрен тиз арада бетерүебезне аңладык. Шуңа күрә инвестиция законнарын либеральләштерү буенча эш башлады.

Төбәк җитәкчесе Хөкүмәткә яңа программаның асылын һәм шартларын аңлату өчен эшкуарлык бергәлеге белән очрашулар оештырырга кушты.

Стратегик инициативалар агентлыгы генеральный директоры Светлана Чупшева төбәк идарәче командасының бизнес белән туры диалогының әһәмиятен билгеләп үтте.

- Инвесторлар өчен гамәлгә ашырыла торган проектлар буенча килеп туган мәсьәләләрне тиз арада хәл итү мөмкинлеге булу бик мөһим, - диде Светлана Чупшева. - Башкортстанда диалог мәйданчыклары һәм чаралар бик күп, инициативаларга ярдәм итү чараларының киң исемлеге бар. Бизнес, һичшиксез, мондый алымны хуплый һәм үз капиталы белән тавыш бирә. Эшкуарлык бергәлегенә мөрәҗәгать итеп, шуны әйтәсем килә: Башкортстанга инвестицияләр кертегез!

АСИ генеральный директоры төбәкнең инвестицион климат торышының милли рейтингында әйдәп баручы позицияләрен билгеләп үтте һәм 2022 ел нәтиҗәләре буенча республика кайбер күрсәткечләрдә үз позицияләрен яхшыртты, дип өстәде. Бу эшкә 2023 елның 14-17 июнендә узачак Петербург Халыкара икътисади форумында нәтиҗә ясарга планлаштырыла.

Фото: glavarb.ru

Автор:Фануз Хабибуллин

Читайте нас

Партнеры

Фотобанк журналистов РБ

Рубрика "Еда и напитки"

Рубрика "Животные"

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Об использовании персональных данных

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, «Башкортстан Республикасы» нәшрият йорты акционерлык җәмгыяте.

____________________

УЧРЕДИТЕЛИ: Агентство по печати и средствам массовой информации Республики Башкортостан, Акционерное общество Издательский дом «Республика Башкортостан».

Правила применения рекомендательных технологий

Политика конфиденциальности

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27