5 сумлы кулакча күргәнегез бармы?

Уфалыларга кибетләрдә 5 сумлык банкноталар белән сдачаны ешрак бирә башлаганнар. Мондый купюраларны күрү гадәти түгел, аның дизайны элекке кебек калган.

- Русия Банкының Башкортстан буенча банкы бүлегенең матбугат хезмәтендә сөйләүләренчә, Русиядә чыннан да 5 сум номиналлы банкнота бастыруны тергезгәннәр. Хәзер акча өстәмә рәвештә лак белән каплана, бу аларның хезмәт итү вакытын арттырырга мөмкинлек бирә. Биш сумлык кулакча әйләнештән чыгарылмаган, аларны чыгару 1998 елда туктатылган һәм шуңа күрә алар сирәк очраган. Үз вакытында бу банкноталар ихтыяҗ белән файдаланган, ләкин тиз тузган, шуңа күрә Русия Банкы аларны акрынлап тимер тәңкәләргә алмаштырырга карар иткән, - дип сөйләделәр Башкортстан банкы матбугат хезмәтендә.

Хәзер кәгазь кулакча бастыру тәңкәләр чыгаруга караганда отышлырак. Шунысын да билгеләп үтәргә кирәк: банкноталар һәм тәңкәләр икесе дә әйләнештә булалачак, алар бер-берсенә комачауламый.

Хәзер 5 сумлык банкнота 1997 ел үрнәгендә басыла. Аның алгы ягында Бөек Новгородтагы София соборы фонында "Русиянең меңьеллыгы" һәйкәле сурәтләнгән. Искәртеп узабыз: республикада яшәүчеләрнең кайберләре әлеге банкноталарны "Авито"га куеп сата башлаган. Аларны коллекцион дип атыйлар һәм 25-30 мең сумга сатып алырга тәкъдим итәләр. Әй бу мошенниклар!

Фото: gtrk.tv