Максим Решетников һәм Игорь Комаров социаль-икътисад хәл турында фикер алыштылар

Очрашуда Идел буе федераль округы субъектларының алга таба социаль-икътисади үсеше өчен кулланылачак алымнар турында фикер алыштылар. Бу - ил җитәкчелеге куйган төп бурыч.

Икътисади үсеш министрлыгы мәгълүматлары буенча, беренче яртыеллыкта округ төбәкләрендә җитештерү үсеше 6 процент тәшкил иткән, бу Гомумрусия күрсәткечләреннән шактый югары. Максим Решетников фикеренчә, реаль секторны үстерү Идел буе төбәкләренең ныклы керем базасын тәэмин итә, беренче чиратта, төбәк бюджетлары һәм бизнес өчен, бу үз артыннан инвестицияләрнең үсешен тәэмин итә.

«Икенче яртыеллыкта да без яхшы нәтиҗәләр көтәбез. Бу, әлбәттә, урыннарда сезнең командагыз, губернаторлар тарафыннан инвестиция климатын яхшырту һәм инвестицион стандартны күтәрү буенча куелган тырышлык белән бәйле. Төбәкләр инвестицияләргә ярдәм итү өчен федераль дәрәҗәдә булдырылган инструментларны актив һәм нәтиҗәле файдалана. Идел буе башкаласында Глеб Никитин җитәкчелегендәге бик көчле идарә командасы эшли. Алар төбәк икътисадын үстерү өчен ярдәмнең барлык федераль инструментларын дөрес куллана", - дип билгеләде Максим Решетников.

Игорь Комаров сүзләренә караганда, округтагы социаль-икътисади вәзгыять тотрыклы, бу яңа шартларга уңышлы трансформация ясалуны күрсәтә.

«Округ динамик рәвештә үсә, аның күрсәткечләре яхшы. Торак тапшыру буенча Русия буенча уртача күрсәткечләргә караганда яхшырак. Бүген округ Русиядә иң яхшылар өчлегендә", - диде Тулы вәкаләтле вәкил.

Фото: pfo.gov.ru