+20 °С
Болытлы
Икътисад
26 сентябрь 2023, 17:53
"Иң мөһим юнәлеш - Казахстан белән сәнәгать кооперациясен үстерү"
Астанадагы «Иннопром. Казахстан» күргәзмәсе үз эшен дәвам итә. Анда Башкортстан Хөкүмәте Премьер-министры Андрей Назаров җитәкчелегендәге республика делегациясе дә катнашты. Андрей Назаров социаль челтәрләрдәге рәсми битендә күргәзмә хакында тәэссоратлары белән уртаклашты.
"Иң мөһим юнәлеш - Казахстан белән сәнәгать кооперациясен үстерү"
"Теләсә кайсы халыкара форумда һәм һөнәри күргәзмәдә катнашуның нәтиҗәсе контрактлар, килешүләр һәм файдалы элемтәләр саны белән үлчәнә. Бу юлы алар җитәрлек. "Иннопром"да Башкортстан компанияләре B2B форматында гына да 500дән артык сөйләшү үткәрде. Нәтиҗәдә, без шаккатыргыч нәтиҗәлелек алачакбыз дип ышанам.
Партнерлык финанславы буенча пилот проектны гамәлгә ашыру башланды инде. Казахстанда Башкортстанның Сәүдә йортын ачу да планлаштырыла.
Иң мөһим аспект - Казахстан белән сәнәгать кооперациясен үстерү. Спорт министрлыгы линиясе буенча очрашулар узды. Алар кысаларында Олимпия һәм милли спорт төрләрен үстерү мәсьәләләре, Казахстан һәм Башкортстан спортчыларының күнегүләр җыеннарын үткәрү мәсьәләләре буенча фикер алышынды.
Астанада барлык билгеләнгән планнарны һәм Башкортстан Башлыгының йөкләмәләрен тормышка ашыра алдык. Башкортстан делегациясенә нәтиҗәле хезмәт өчен рәхмәт белдерәсем килә. Ышаныч белән шуны әйтә алам: «Иннопром» төрле тармакларда перспективалы проектларга нигез салу гына түгел, ә безнең Казахстан белән күпьеллык дуслыгыбызның якты сәхифәсе дә булды" - дип яза Андрей Назаров.
