Янә ике проектка нигез салыначак

Шуларның берсе - "Роботэк-Лаб" тернәкләндерү комплексларының импортны алмаштыручы җитештерүне киңәйтү проекты, 19 эш урыны булдырылачак. "ВиЦыАн" компаниясе башлангычы белән 56 миллион сум тирәсе инвестицияләр салыначак.

Икенчесе - "Кубометр" компаниясеннән вибропрессланган эшләнмәләр җитештерү заводын булдыру проекты. Аның буенча инвестицияләр күләме 300 миллион сум тәшкил итә, 50 эш урыны булдырыла. Ике башлангычны да “Инвестсәгать” кысаларында Башкортстан Республикасы Башлыгы Радий Хәбировка тәкъдим иттеләр.

Әлеге проектлар төбәкнең Үсеш корпорациясендә алып барыла. Аларны гамәлгә ашыру барышын ведомствоның генеральный директоры Наил Габбасов шәрехләде.

- Инвесторлар куелган бурычларны үтәүгә актив бара, ә без аларга барлык мәсьәләләрдә ярдәм күрсәтергә тырышабыз. Мисал өчен, "Кубометр" компаниясе безгә сентябрь башында мөрәҗәгать итте, һәм бүгенге көнгә аларның проекты инде иң мөһим этапларның берсен узды. «ВиЦыАн» компаниясе проекты шулай ук агымдагы елда кабул ителде, һәм хәзер инвестор аны турыдан-туры тормышка ашыруга күчәргә әзер, - диде Наил Габбасов. - Шуны билгеләп үтәм: өстенлекле инвестиция проектына ярдәм итүнең төп чараларының берсе - сату-алуларсыз гына җир кишәрлеге бирү. Шул рәвешле, тиздән инвесторлар үз мәйданчыкларында эшли башлаячак.

Җитештерүне "ВиЦыАн" компаниясе - инде 2025 елда Уфада, ә "Кубометр" 2027 елда Октябрьский шәһәрендә эшләтеп җибәрергә планлаштыралар.

Фото: pravitelstvorb.ru