Тагын бер Кытай инвесторы Башкортсан белән кызыксына

Башкортстан Хөкүмәте Премьер-министры билгеләп үткәнчә, республикада мондый производствога ихтыяҗ актив торак төзелеше аркасында югары. Кытай партнерларына, республика территориясендә "Jiangxi Sino-Ocean Willie Industrial Co" компаниясенең алдынгы эшләнмәләрен кертеп, заманча төзелеш материалларын бергәләп җитештерү мөмкинлеген карарга тәкъдим ителде. Башкортстанда уртак производстволар булдыру өчен уңайлы шартлар тудырылган.

- Бездә алгарышлы үсешнең 5 территориясе гамәлдә. Биредә, инвесторлар өчен стандарт салым преференцияләреннән тыш, салым йөкләнешен 30 процентка киметүне тәэмин итә торган махсус ташламалар да билгеләнгән. Моның белән беррәттән сәнәгать-җитештерү төрендәге «Алга» махсус икътисади зонасы да эшләп килә. Аның резидентлары өчен төп өстенлекләрнең берсе булып материалларга, чималга, җиһазларга салым һәм таможня пошлиналарыннан азат итү, чит ил комплектлаучыларыннан тыш продукция чыгару тора. Быел без инвесторларга таләпләрне мөмкин кадәр киметтек. Карарлар кабул итү вакыты кыскарды һәм дәүләт ярдәме чараларын күрсәтүнең оперативлыгын арттырылды, - дип сөйләде Премьер-министр.

Хуан Ши Хуа искәрткәнчә, аларның продукциясе Башкортстанда инде тәкъдим ителгән. 2018 елда компания республика территориясендә "Elephant Building Materials Company" предприятиесенә нигез салынды, предприятие елына 12 миллион квадрат метр цемент плитәсе җитештерә.

- “Алга” резиденты булгач, компания берничә мөһим преференциягә исәп тота ала - салым һәм аренда ташламалары, шулай ук ирекле таможня зонасы. Моннан тыш, Үсеш корпорациясе белән хезмәттәшлек кысаларында төрле документлар әзерләү һәм башкаручыларның зур даирәсе белән багланышлар мәсьәләләре хәл ителә - бу сорауларны без үзебезгә алабыз. 

Үсеш корпорациясенең, шулай ук, җитештерү объектларын тиз арада төзү буенча зур тәҗрибәсе булуын билгеләп үтәм. Ачык мисал - белорус партнерларыбыз өчен авыл хуҗалыгы техникасы җитештерү заводы. Без аны рекордлы кыска срокларда - тугыз ай эчендә төзедек. Шулай итеп, параметрлар алу белән үк без планны оператив тормышка ашыру өчен проект алды эшләрен башлыйбыз, - дип билгеләп үтте Башкортстан Республикасы Үсеш корпорациясе генеральный директоры Наил Габбасов.

Яклар җитештерүне урнаштыру өчен локация вариантлары турында фикер алышты. Сөйләшүләр барышында инвесторга предприятиене «Уфа» индустриаль паркында урнаштырырга тәкъдим ителде, аның территориясе агымдагы елның июнендә «Алга» махсус икътисади зонасы составына кертелде.