+21 °С
Болытлы
Икътисад
15 ноябрь 2023, 15:09
Иглин районында юл буе сервисына инвесторлар киләчәк
Башкортстанның Үсеш корпорациясе инвесторларга бизнесны үстерү өчен чираттагы ирекле инвестиция мәйданчыгын тәкъдим итте. Алты гектарга якын җир участогы Иглин районында "М-5 Урал" федераль автоюлы буйлап урнашкан. Аның территориясендә юл яны сервисы объектлары урнаштырылачак дип фаразлана.
Иглин районында юл буе сервисына инвесторлар киләчәк
Башкортстан Премьер-министры Андрей Назаров билгеләп үткәнчә, юл буе сервисын үстерү өлкәсендәге проектларны гамәлгә ашыручы инвесторлар өчен төбәк хакимиятләре тарафыннан ярдәм чараларының уникаль пакеты кертелгән.
Шулай итеп, дәүләт ярдәме сыйфатында инвестор проектны Башкортстанның өстенлекле инвестпроектлары исемлегенә кертүгә дәгъва итә ала. Анда торглар үткәрмичә генә арендага җир кишәрлеге, салым ташламалары, шулай ук транспорт һәм инженерлык инфраструктурасын булдыруга чыгымнар өлешен компенсацияләүгә субсидияләр алу мөмкинлеге бар.
- Инвестмәйданчык транспорт агымы локациясендә урнашкан, анда үтүче машиналар саны тәүлегенә 20 мең берәмлеккә җитәргә мөмкин. Нәкъ менә шуңа күрә әлеге җир кишәрлегендә инвесторларга автомойка, кафе, кибет, техник хезмәт күрсәтү пункты булган кемпинг һәм юл буе комплексы булдыру мөмкинлеген карарга тәкъдим ителә. Мондый проектны гамәлгә ашыру монда барлык автомобильчеләр өчен аеруча актуаль булачак.
Моннан тыш, бу фактор аның үз чыгымнарын каплау вакытына да уңай йогынты ясаячак, – диде Үсеш корпорациясе генеральный директоры Наил Габбасов.
Фото: pravitelstvorb.ru
Шулай итеп, дәүләт ярдәме сыйфатында инвестор проектны Башкортстанның өстенлекле инвестпроектлары исемлегенә кертүгә дәгъва итә ала. Анда торглар үткәрмичә генә арендага җир кишәрлеге, салым ташламалары, шулай ук транспорт һәм инженерлык инфраструктурасын булдыруга чыгымнар өлешен компенсацияләүгә субсидияләр алу мөмкинлеге бар.
- Инвестмәйданчык транспорт агымы локациясендә урнашкан, анда үтүче машиналар саны тәүлегенә 20 мең берәмлеккә җитәргә мөмкин. Нәкъ менә шуңа күрә әлеге җир кишәрлегендә инвесторларга автомойка, кафе, кибет, техник хезмәт күрсәтү пункты булган кемпинг һәм юл буе комплексы булдыру мөмкинлеген карарга тәкъдим ителә. Мондый проектны гамәлгә ашыру монда барлык автомобильчеләр өчен аеруча актуаль булачак.
Моннан тыш, бу фактор аның үз чыгымнарын каплау вакытына да уңай йогынты ясаячак, – диде Үсеш корпорациясе генеральный директоры Наил Габбасов.
Фото: pravitelstvorb.ru
