Андрей Назаров америкалыларны Русиядә яшәргә чакырды

Бу хакта ул Америка журналисты һәм радио алып баручысы, "Послезавтра глазами бизнеса" пленар утырышының модераторы Тим Керби белән әңгәмәдә әйтте. Ул - бүген Уфада старт алган XVI Халыкара бизнес атнасының беренче көненең төп вакыйгасы.

- Элек Русиядән чыккан америка журналисты дип әйәләр иде, ә хәзер - Америкадан чыккан Русия журналисты. Русиядә эшләү кызыграк, ризамы? - дип сорады Премьер-министр Кербидан.

Журналист АКШта аңа зур икътисади форумнарның модераторы булырга туры килмәде һәм "Русиядә барысы да яхшы китте", - дип җавап бирде.

- Русиядә яшәүче америкалылар өчен нинди перспективалар ачылуын күз алдына китерәсезме? Шуңа күрә "Послезавтра глазами бизнеса" пленар утырышына чакырам. Ләкин моны эшләргә өлгермәүчеләргә соңыннан кыен булачак: башка халыклар безгә рәхәтләнеп яшәргә һәм эшләргә киләчәк. Үзегезнең якташларыгызга әйтегез, әлегә безнең якка хәрәкәт итәргә мөмкинлек бар, - дип киңәш итте Тим Кербига Премьер-министр. - Һәм мин соңгы вакытта борынгы заман философы Лао Цзы әйткән мондый фразаны ахыргача әйтер идем: «Юл булганда тукталып калмыйлар». Ягъни юлыбыз бар һәм безгә туктарга ярамый, һәм ул чагында планлаштырылган урында төгәл булачакбыз. Без дөньяда иң көчле икътисадларның берсе булган илдә яшәячәкбез һәм безнең илдә Башкортстан яшәү өчен иң яхшы урын булачак. Барысын да чакырабыз.

Фото: ibw-bashkortostan.com