+21 °С
Болытлы
Икътисад
22 ноябрь 2023, 13:26
Кече һәм урта малтабарлыкка ярдәм каралды
Башкортстанның кече һәм урта бизнес вәкилләре ел башыннан Милли гарантия системасында (НГС) катнашучыларның гарантияләре һәм поручительләре ярдәмендә, шулай ук 1764 ташламалы кредитлау программасы буенча гомум суммасы 28 миллиард сумга якын финанс ярдәме алган. "Кече һәм урта эшкуарлык һәм шәхси эшкуарлык башлангычына ярдәм" гомумдәүләт проекты акчалары хисабына финанслауны республиканың 970тән артык компаниясе җәлеп иткән. Бу хакта XVI "Халыкара бизнес атналыгы" форумында сөйләделәр.
Кече һәм урта малтабарлыкка ярдәм каралды
"Бизнеска дәүләт ярдәме чаралары. Санлаштыру: кичә, бүген, иртәгә" бизнеска дәүләт ярдәме чаралары эксперт сессиясендә "Корпорация МСП" генеральный директоры урынбасары Андрей Железняков та катнашты. Ачык диалогта шулай ук республика хакимият органнары, бизнесны үстерү институтлары, эшкуарлык иҗтимагый берләшмәләре вәкилләре, бизнес-шерифлар һәм эшкуарлар катнашты.
- Бизнесны үстерү өчен мөмкин кадәр күбрәк эшкуарлар дәүләт ярдәмен ала алачак шартлар кирәк. Профильле федераль һәм төбәк ведомстволарының, үсеш институтларының һәм эшлекле берләшмәнең уртак эше бик мөһим, - дип шәрехләде Башкортстан Республикасының эшкуарлык һәм туризм министры Рөстәм Афзалов.
«Корпорация МСП»ның экспертлары МСП.РФ санлы платформасы турында сөйләде һәм ул төбәк эшкуарларына нәрсә белән файдалы булуы, хәзерге вакытта бизнес өчен гамәлдә булган финанс чаралары, эшкуарларның хокукларын яклау, шулай ук кече һәм урта эшкуарлык субъектлары җитәкчеләренең сорауларына җавап бирде.
Русия Банкы белән берлектә «Корпорация МСП» тарафыннан гамәлгә ашырыла торган кредитлауны стимуллаштыру программасы (ПСК) буенча ел башыннан Башкортстанның кече һәм урта бизнесы вәкилләре 4,2 миллиард сумга якын акча алган.
Фото: ibw-bashkortostan.com
