Бизнес өчен чикләр юк

Чарада Русия-Кытай хезмәттәшлеге тәҗрибәсе һәм Башкортстанның бу икътисади мөнәсәбәтләрдә роле турында фикер алыштылар. Моннан тыш, сессиядә икътисадның төп тармакларында хезмәттәшлек перспективалары турында фикер алышу алып барылды.

КХР Сәүдә министрлыгы каршындагы Халыкара бизнесны үстерү буенча үзәге директоры Ли Янцзюнь сәламләү сүзе белән чыгыш ясады һәм Кытай бизнесының Башкортстан белән икътисади хезмәттәшлегенә оптимистик фараз бирде.

- Безнең эшкуарлар Башкортстан белән хезмәттәшлек итәргә тели, бу хезмәттәшлектә потенциал күрә. Әлбәттә, теләсә нинди зур эштә кебек үк, монда проблемалар да бар. Мәсәлән, шуларның берсе - җитештерүчеләргә дә, кулланучыларга да уңайсызлыклар китерә торган санкцияләр. Кытай мондый чараларның продуктивлыгын аңлый. Болар барысы да икътисади характердагы мәсьәләләр дә тудыра. Без базар икътисады кысаларында эшлибез, авырлыкларның булачагын аңлыйбыз, әмма алар критик характерда түгел.

"Восток" автоном оешмасы генеральный директоры Эмиль Сәетгәрәев Башкортстан һәм Кытай бизнесы арасындагы хезмәттәшлекнең төп юнәлешләре турында сөйләде. Спикер сүзләренчә, Кытай җитештерүчеләре үзләренең сәнәгать технологияләре һәм җиһазлары белән Башкортстанга актив керә. Төбәкнең зур нефть химиясе тармагвна җиһазлар кирәк. Шулай итеп, инвестицияләр Русия базарында сатыла торган һәм кирәкле продукциягә юнәлтелә.

Фото: ibw-bashkortostan.com