Башкортстан - алга!

Идарә командасы хәл итә алган бурычларның берсе - өлешчеләрнең бозылган хокукларын торгызу.

- Безнең республика территориясендә алданган өлешчеләр проблемасы нинди яра булганын сез барыгыз да беләсез. Аларның саны 11 мең кешегә җиткән. Кешеләр бик ачулы иде, бу бик авыр күренеш иде. Русия Президенты, ил Хөкүмәте һәм Территорияләрне үстерү федераль фонды ярдәменә рәхмәт. Үзебез бу мәсьәләне хәл итә алмас идек, - диде Радий Хәбиров.

2023 елда төп эш нәтиҗәләренең берсе мәгариф, сәламәтлек саклау, мәдәният һәм спорт өлкәсендә күп сандагы объектларны файдалануга тапшыру булды. Яңа ел бәйрәмнәре алдыннан Башкортстан Башлыгы республика районнарында яңа сәламәтлек саклау учреждениеләрен эшләтеп җибәрү тантанасында катнашты. Үз ишекләрен Баймакта - сменасына 300 кешегә исәпләнгән балалар поликлиникасы, Балакатай районының Ургала авылында - табиб амбулаториясе, шулай ук Мәчетле районының Олы Ыктамак авылында ашыгыч ярдәм станциясе булган дәваханә ачты. Моннан тыш, декабрь ахырында Белорет районының Тирлән авылында яңа социаль-мәдәни үзәк эшли башлады.

Тагын бер мөһим казаныш – юл-транспорт һәлакәтләрендә һәлак булган кешеләр санын киметү. Башкортстан Республикасы транспорт һәм юл хуҗалыгы министры вазыйфаларын башкаручы Любовь Минакова хәбәр иткәнчә, 2023 елда бу күрсәткеч, 2022 ел белән чагыштырганда, 4,9 процентка, 390 кешегә кадәр кимегән.

Республика министрлыклары, ведомстволары һәм муниципалитетларында хәл ителергә тиешле бурычлар арасында Радий Хәбиров махсус хәрби операциядә катнашучыларга һәм аларның гаиләләренә ярдәм итүне, шулай ук халыкны борчыган мәсьәләләрне хәл итүне атады.

Фото: glavarb.ru