Сибайда гидротехник корылмалар реконструкцияләнәчәк

Андрей Назаров җаваплы ведомстволарга барлык әзерлек һәм проект-тикшерү эшләрен 2024 ел ахырына кадәр тәмамлауны йөкләде.

- Сибай өчен әлеге корылма күгәрченлеләргә Йомагуҗа кебек үк мөһим. Бу матурлык, ял итү зоналары гына түгел, ә шәһәр яны участокларын су белән тәэмин итү дә. Гидротехник корылманы реконструкцияләү буенча өч юнәлештә эш алып барачакбыз. Бу файдалану характеристикалары һәм хәвефсезлек, җирлекне төзекләндерү һәм ел әйләнәсенә эшли торган «Шифа» балалар сәламәтләндерү лагерен яңарту. Балалар учреждениесен модернизацияләү тәмамланганчы, гидроузелны реконструкцияләү һәм сулыкларны чистарту буенча барлык эшләрне башкарырга кирәк, — дип ассызыклады Андрей Назаров.

Исегезгә төшерәбез, Төяләс елгасындагы гидроузел 1958 елда Сибай шәһәр читендәге бакыр-күкерт комбинатының баектыру фабрикасын һәм бакча ширкәтләрен (СНТ) техник су белән тәэмин итү өчен тапшырылган. Объект 3нче хәвеф класслы гидротехник корылма булып тора, Сибайдан 2 километр ераклыкта урнашкан һәм 7,74 миллион кубик метр сыйдырышлы гидроузеллы һәм 188 гектар мәйданлы сусаклагычны, су агызу җайланмасын һәм плотинаны үз эченә ала. Хәзерге вакытта гидроузел бакчаларны гына су белән тәэмин итә.

Фото: pravitelstvorb.ru