Мәскәүдә Башкортстан белән кызыксыналар!

Мәскәүнең ВДНХ комплексында Башкортстанның Финанс министрлыгының «Финанс галактикасы» дип аталган тематик көннәре тәмамланды. Экспозиция эшләгән вакытта 26-28 мартта төбәк стендына 17 меңнән артык кеше килгән. Күргәзмә кысаларында финанс грамоталылыгы буенча чаралар узды.

- «Финанс галактикасы» экспозициясенә килүчеләрнең активлыгы финанс грамоталылыгы буенча мәгърифәтчелек чараларын үткәрүнең актуальлеген раслады. Хөрмәтле кунакларга безнең күргәзмәгә игътибар һәм килүләре өчен рәхмәт белдерәбез.

Финанс грамоталылыгын арттыру һәм халыкның финанс культурасын формалаштыру стратегиясе чараларын гамәлгә ашырганда ведомствоара якын килү безгә халыкның барлык яшь категорияләрен колачларга мөмкинлек бирәчәк, – дип билгеләп үтте республиканың финанс министры Лира Игътисамова.

Кунаклар арасында теләкләр акча агачы аеруча популяр булды. Башкортстан стендына килүчеләр финанс максатларын дөрес төзергә өйрәнде. Өч көн эчендә бу активлык флешмобка әверелде: ике метрлы агачта алты меңнән артык «акча яфрагы» барлыкка килде. Аларда төрле теләкләр язылган иде. Мәктәп укучылары еш кына яңа гаджетлар, уенчыклар, яхшы билгеләр һәм югары уку йортына керү турында язды. Өлкәнрәк кунаклар керемнәрне арттыру, кредитларны ябу, автомобиль яки күчемсез милек сатып алу, отпускка бару турында язды. Шунысы игътибарга лаек, күп кунаклар игелек, тынычлык, гаилә бәхете, сәламәтлек теләкләрен якыннарына һәм илебезнең барлык кешеләренә калдырган.

Шулай ук стенд кунаклары төбәкнең мәдәнияте һәм традицияләре белән танышты. Лотерея дә беркемне дә битараф калдырмады. Катнашучыларның барысы да истәлекле бүләкләр, шулай ук кредитларны вакытыннан алда түләргә, акчаны тупларга, грамоталы финанс карарлар кабул итәргә өйрәнергә дигән файдалы мәгълүмат алды.

Хөрмәтле кунаклар: Русия Федерациясе Финанс министры урынбасары Алексей Лавров, Русия Банкының Үзәк федераль округ буенча Баш идарәсе башлыгы Рөстәм Мәрданов, Дәүләт Думасының финанс базары комитеты әгъзасы Владимир Сенин, «Промсвязьбанк» җәмгыяте рәисе урынбасары Айрат Гаскаров, Русия Банкының партнерлык финанслау буенча эшче төркеме әгъзасы Александр Торшин белән очрашулар агымдагы мәсьәләләрне актуальләштерергә һәм Башкортстанның финанс базарын алга таба үстерү буенча билгеләнгән планнарны төзәтергә мөмкинлек бирде.

Тулырак - видеода.