Михаил Мишустин: "Русия санкцияләр басымына бирешми!"

Михаил Мишустин сүзләренчә, санкцияләргә карамастан, Русия беренчел җайлашу чорын узды. Илдә эчке тулай продукт үсеше былтыр 3,6 процент тәшкил иткән (күп кенә алга киткән илләргә караганда ике тапкырга күбрәк), ә инвестицияләр 9,8 процентка арткан, эшсезлек дәрәҗәсе нибары 3 процент тәшкил иткән. Премьер-министр хәбәр иткәнчә, аларны игълан иткән илләр үз санкцияләре аркасында үзләре зыян китерә.

Бүген дустанә илләр белән товар әйләнеше дүрт ел элек булган күләм белән тигез. Дустанә илләр белән товар әйләнеше өлеше 77 процентка кадәр арткан.

Русия икътисады - дөньяда иң зурларның берсе. Русия сатып алу сәләте паритеты буенча дөньяның иң эре икътисадлары бишлегенә керә. Күптән түгел Юлламада Президент топ-4 кә керү бурычын куйды. Моңа алшартлар бар. Бу ел башында тулай эчке продукт үсешенең югары темплары саклана - гыйнварда плюс 4,6 процент.

Башкортстан сәнәгатьнең ышанычлы үсешен күрсәтә. УУНиТның Икътисад һәм бизнес институты директоры вазыйфасын башкаручы икътисад фәннәре докторы Константин Гришин фикеренчә, санкцияләр республикада икътисадның реаль секторын динамик үстерү өчен нәтиҗәле шартлар булдыруга ярдәм иткән.

"Без җитештерүдә барлык позицияләрдә ышанычлы үсешне күрәбез. Максималь күрсәткеч электр җиһазлары җитештерүдә (узган елның гыйнвар-февраленә карата +167 процент), машиналар һәм җиһазлар җитештерү - 136,2, нефть продуктлары җитештерүдә 112,3 процент үсеш, башка тармакларда да шундый ук динамика. Бу, беренче чиратта, сәнәгать предприятиеләренә кирәкле мондый продукциягә ихтыяҗның артуын күрсәтә. Санкцияләр басымы фонында компанияләр импортны алмаштыручы технологияләрне үзләштерә һәм республика, ил эчендә яңа сату базарларын таба. Башкортстан Русия төбәкләре арасында сәнәгать кластерлары саны буенча алда бара, алар бездә инде 9, быел яңалары барлыкка киләчәк, бу сәнәгать секторы продукциясенә ихтыяҗның тагын да үсүенә һәм сәнәгать җитештерүе индексының артуына китерәчәк», - дип билгеләп үтте Константин Гришин.

Фото: "Башинформ"