Белоруссия кунаклары инвестиция сабантуенда катнашачак

Чара башланырга берничә көн генә калды. «БелВЭБлизинг» компаниясе генеральный директоры Марат Хамицаев Белоруссиянең форумда катнашуының мөһимлегенә ышаныч белдерде. Ул ассызыклаганча, әлеге чара белорус предприятиеләре һәм оешмалары өчен экспорт мөмкинлекләрен күрсәтү, булган эшлекле элемтәләрне ныгыту, шулай ук яңа потенциаль партнерлар табу өчен уникаль мөмкинлек бирә.

- Русия Федерациясе төбәкләре, шул исәптән Башкортстан белән турыдан-туры эшлекле мөнәсәбәтләр төзү Беларусь Республикасының төп тышкы сәяси юнәлешләренең берсе булып тора. Шуны аңларга кирәк, федераль программалардан тыш, сәнәгать кооперациясен үстерү, туризм, сәламәтлек саклау, мәгариф өлкәсендә хезмәттәшлек, шулай ук Беларусь Республикасы предприятиеләре һәм оешмалары катнаша ала торган башка эшчәнлек өлкәләрендә региональ программалар бар, — дип билгеләп үтте Марат Хамицаев.

Исегезгә төшерәбез, узган елгы форум илледән артык киңкүләм мәгълүмат чарасында кызыксыну уятты. Махсус җиһазландырылган мәйданчыкларда федераль телеканалларның һәм илнең иң эре мәгълүмат агентлыкларының ачык студияләре эшләде.

Форум 24-26 майда Сибай шәһәрендә узачак. Чараны оештыручылар - Стратегик башлангычлар агентлыгы һәм Башкортстан Республикасы Хөкүмәте. Оештыручылар инде хәзер үк билгеләп үткәнчә, чит ил, федераль һәм төбәк басмалары журналистлары чарада катнашу өчен актив рәвештә теркәлә.

Фото: pravitelstvorb.ru