Владимир Путин: "Бездә юл челтәре һәм төп автомагистральләр үсешенең тизлеге юга

Чараны ачып, Русия Президенты төзүчеләргә һәм бүгенге көндә ачыла торган объектларны төзүдә хезмәт куйган башка белгечләргә рәхмәт белдерде.

- Бу - илнең, безнең төбәкләрнең транспорт каркасы үсешенең эзлекле һәм өзлексез баруына тагын бер дәлил. Шундый мөһим бурычларны хәл итүдә катнашкан барлык белгечләргә зур хезмәтләре һәм профессиональлекләре өчен рәхмәт белдерәм. Бездә юл челтәре һәм төп автомагистральләр үсешенең югары, яхшы темпы тупланган. Шул исәптән бер ел элек, декабрь ахырында, Мәскәүдән Казанга кадәр М-12 автоюлының заманча участогы файдалануга тапшырылган. Бу трасса бик кирәкле булып чыкты, - диде Владимир Путин. - Планлаштырганыбызча, бу әһәмиятле магистральне Екатеринбург, Төмән һәм көнчыгышка таба үстерәчәкбез. Бүген аның составында Татарстан Республикасында Түбән Кама һәм Чаллы шәһәрләрен - 80 чакрымга һәм Башкортстан Республикасында берничә торак пунктны 65 чакрымга әйләнеп узу гамәлгә кертелә. Бу сәфәрләр шәһәр һәм бистәләрдән транзит ташкыннар чыгарачак, хәрәкәтне хәвефсезрәк итәчәк, кешеләрнең тормыш сыйфатына, аларның экологик иминлегенә уңай йогынты ясаячак.

Башкортстан Башлыгы Радий Хәбиров республика халкы өчен яңа трассаның әһәмиятен ассызыклады.

- Хөрмәтле Владимир Владимирович!

Республикабыз үсешенә даими ярдәм иткәнегез, территориябез буйлап М-12 автомагистрален салганыгыз өчен Башкортстан халкы исеменнән рәхмәт белдерергә рөхсәт итегез. Бу трасса юл инфраструктурасын сизелерлек яхшыртачак. Мисал өчен, хәзер бу юлны төзеп бетергәч, Уфадан Мәскәүгә кадәр бер ярым тапкыр тизрәк барып җитәргә мөмкин булачак.

Бүген файдалануга тапшырыла торган трасса участогына килгәндә, дистәләрчә мең кеше аны дистә еллар буе көткән. Юл берничә торак пунктны кисеп үтә иде. Хәзер бу булмаячак. Моның өчен халкыбыздан сезгә зур рәхмәт, - диде Радий Хәбиров.

Фото: Башкортстан Башлыгы сайтыннан.