Төзелеш өлкәсе вәкилләре дәүләт бүләкләре алды

- Республика заманча кампуслар челтәре булдыру буенча федераль программада катнашты. Әлеге мегапроект ике чиратта тормышка ашырыла. Аларның беренчесен без агымдагы елның февраль башында керттек. Икенче чират яңа заманча комплекс төзүне күздә тота. Анда торак корпуслар, укыту-аудиторияләр блогы, лабораторияләр, спорт һәм социаль-көнкүреш инфраструктурасы урнашачак. Моннан тыш, кампуста геном үзәге барлыкка киләчәк. Аны төзеп бетерәбез инде. Студентларны ул киләсе елда кабул итәчәк. Шулай ук монда Саклык банкының «21нче мәктәбе» һәм генетик мәгълүмат технологияләре үзәге эшли башлаячак, – диде Премьер-министр.

Исегезгә төшерәбез, рекордлы кыска вакыт эчендә, Уфаның 450 еллыгын бәйрәм итүгә, өч уникаль спорт объекты төзелде. Алар - Көрәш сарае, Фехтование үзәге һәм Ишкәкле слалом корылмалары комплексы. Төзелештә тагын бер эре проект – Кушнаренкода 320 урынлык поликлиника төзү. Шулай ук быел Шакшада Караидел елгасы аша күперне капиталь ремонтлау вакытыннан алда төгәлләнгән. Мартта озак көтелгән объект - Көнчыгыш чыгу юлы буенча хәрәкәтне башлап җибәрделәр. Ул соңгы дистә елларда республикада иң мөһим проектларның берсенә әверелде.

Фото: pravitelstvorb.ru