"Эчке ихтыяҗ - Русия икътисадының үсеш локомотивы"

"Безнең эчке тулай продукт 2024 ел нәтиҗәләре буенча беренче тапкыр номиналь чагылышта 200 трлн сум дәрәҗәсен узды, 2020 елдагыдан ике тапкыр диярлек артты", - диде Михаил Мишустин.

Аның сүзләренчә, "үсеш локомотивы эчке ихтыяҗ булды - инвестицияләр төрендә дә, кулланучылар да: төп капиталга кертемнәрне бер ел эчендә 7,5 процентка диярлек арттырган.

"Мондый уңыш, беренче чиратта, безнең гражданнарның, илебезнең күп кенә компанияләренең хезмәт коллективларының казанышы", - диде Премьер-министр.

Министрлар Кабинеты башлыгы шулай ук власть тарафыннан Русия Президенты йөкләмәләрен төгәл үтәүне, Хөкүмәт һәм Үзәк Банк координацияләнгән эшен, парламентарийларның көчләрен билгеләп үтте. "Һәм эксперт, фәнни һәм эшлекле бергәлекләр карарларын әзерләү процессына актив җәлеп итү", - диде Михаил Мишустин.

Русиядә социаль пенсияләр 1 апрельдән 14,5 процентка артачак. Бу хакта Михаил Мишустин хәбәр итте. Исегезгә төшерәбез, түләүләрне инвалидлыгы булган һәм туендыручысын югалткан кешеләр, шулай ук хезмәт стажы булмаган яки страховка пенсиясе билгеләү өчен җитәрлек булмаган кешеләр ала. Сүз 70 яшьтән өлкәнрәк ир-егетләр һәм 65 яшькә җиткән хатын-кызлар турында бара.

Шулай ук пенсияләр хәрби хезмәткәрләр, Бөек Ватан сугышында катнашучылар һәм гражданнарның башка категорияләре өчен артачак. Барлыгы мондый индексация 4,2 млн кешегә кагылачак. Бу максатларга бюджетта 85 млрд сум каралган инде.

"Без гражданнарның тиешле акчаларны вакытында алуын игътибар белән күзәтәбез", - дип ассызыклады Михаил Мишустин.

Фото: "РИА-Новости".