Яңа проектларга нигез салына

Тиздән Башкортстанда нинди проектлар пәйда булачак?

Чираттагы «инвестиция сәгате»ндә Радий Хәбиров эшкуарларның берничә инициативасын хуплады.

"Авилат" компаниясе Бүздәк районында 2022 елдан бирле уңышлы эшли. Быелгы планда - чәчүлек мәйданнарын киңәйтү һәм сүсне чистарту, пресслау һәм төрү өчен технологик линияләр урнаштыру. Инвестицияләрнең гомуми күләме-552,7 млн сум.

«Строй Монтаж Д» компаниясе Уфа районында "Dasko" төркеме өчен 20 мең кв. м мәйданлы зур комплекс төзи. Бу склад кына түгел, ә кибет һәм кафе белән тулы бер логистик комплекс булачак, анда 300 кеше эшләячәк. Инвестицияләр - 1,55 млрд сум.

"Миякә Балык компаниясе" бик тиз куәтле индустриаль производствога әверелде. Аның планнарында - җиһазларга 68 млн сум салу, шул исәптән елына 250 тонна пресервалар линиясен. Бу компаниянең позициясен ныгытачак һәм 11 яңа эш урыны булдырачак.

«Астра» компаниясе Уфа районында «Алга» территориясендә клиник-диагностика лабораторияләре өчен анализаторлар чыгарырга җыена. Бу техника чит ил аналогларын алыштырачак. Проектка 185,5 млн сум акча салыначак, ә производствода 80 белгеч эш табачак.

Барлык инвестиция проектлары да өстенлекле статуслар алды. Димәк, республика бизнеска чыгымнарның бер өлешен кайтарачак һәм тиешле ярдәм күрсәтәчәк.