Радий Хәбиров “Новые известия”гә интервью бирде

“Форумның "Губернатор көне"ндә без төбәк башлыклары белән аралашабыз. 2025 елда ПМЭФка Башкортстан нәрсәләр белән килде?” – дип сорады хәбәрче.

- Без ПМЭФта беренче ел гына катнашмыйбыз, һәм безнең төп бурыч - әлбәттә, республиканы тәкъдим итү. Ә икенчесе - инвестицияләр җәлеп итү. Шуңа күрә иң мөһиме - инвесторлар белән очрашу: инде эшли торган кешеләр белән аралашу. Һәм безнең инде теге яки бу дәрәҗәдә гамәлгә ашырылучы проектларыбыз бар. Димәк, Башкортстанга яңа килгән инвесторлар белән танышу һәм элемтәләр мөһим әһәмияткә ия.

Бу планда ПМЭФ - уникаль мәйданчык. Монда барысы да бик уңайлы. Без бер урында барыбызны да таба алабыз: коллегаларыбызны, инвесторларны, хезмәттәшлек иткән эре корпорацияләр җитәкчеләрен, Хөкүмәт әгъзаларын, - диде Радий Хәбиров. - Без республика үсешенең төп юнәлешләре буенча презентация ясыйбыз - бу икътисад һәм фән. Стендның фәнгә багышлануына игътибар иттегез. Вузара кампусны тәкъдим итәбез. Һәм эшнең асылы хәтта презентациядә генә түгел - бу хезмәттәшлеккә чакыру.

Бүген без Томск өлкәсе белән килешү имзаладык. Томск - Себернең иң эре фәнни үзәге, шуңа күрә безнең күп кенә компетенцияләр туры килә. Гомумән, ниндидер тармак өстенлеге бар дип әйтеп булмый. Без төрле килешүләргә кул куябыз. Бу - төзелеш проектлары, авыл хуҗалыгы, сәнәгать өлкәсендәге инициативалар. Алда - “Росавиация” җитәкчелеге белән очрашу. Без Уфадан илнең башка шәһәрләренә рейсларны субсидияләү перспективалары барлыгын карарга телибез. Шуңа күрә ассызыклап әйтәм, ПМЭФ - тәкъдим итү һәм инвестицияләр җәлеп итү өчен уңайлы мәйданчык.

Интервью белән тулырак түбәндәге сылтанма буенча танышырга мөмкин: https://glavarb.ru/ru/news/event/intervyu-radiya-habirova-novym-izvestiyam-78887/

Фото: glavarb.ru