-8 °С
Болытлы
Барлык яңалыклар
Икътисад
27 декабрь 2025, 20:35
Радий Хәбиров Урал пружина заводы белән танышты
27 декабрьдә Белорет районына эш сәфәре вакытында Башкортстан Башлыгы Радий Хәбиров Урал пружина заводының җитештерү мәйданчыкларында булды. Төбәк җитәкчесе предприятиенең гамәлдәге цехларын карап чыкты, производствоны модернизацияләүнең барышы һәм аны алга таба үстерү планнары белән танышты.
Радий Хәбиров Урал пружина заводы белән танышты
Урал пружина заводы 2008 елдан бирле эшли, салкын һәм кайнар төрдә уралган пружина, шул исәптән тимер юл транспорты өчен дә, чыгару буенча Русия базарында лидерларның берсе булып тора. Аларны Русиядә һәм чит илләрдә 5 меңнән артык клиентка җибәрәләр, ә заводның җитештерү системасы автоҗитештерүчеләр тарафыннан югары бәя алды.
2025 елның беренче яртыеллыгы йомгаклары буенча компания 2 млрд сумнан артык продукция төяп җибәргән, хезмәткәрләр санын һәм хезмәт хакы дәрәҗәсен арттырган. Завод импортны алмаштыру программаларында катнаша һәм заманча технологик чишелешләрне, шул исәптән роботлаштыру элементларын гамәлгә кертә.
Башкортстан Башлыгы журналистлар белән әңгәмәдә предприятиенең тотрыклы үсешен һәм нәтиҗәле эш күрсәтүен билгеләп үтте.
- Урал пружина заводы – җитештерүнең нәтиҗәле үсүенең ачык мисалы. Без монда элек булган идек һәм инде җитди үзгәрешләр күрәбез – яңа корпуслар, яңа эшләнмәләр барлыкка килгән. Предприятие импортны алыштыруга актив кушылды. Монда штатны киңәйтү һәм хезмәт җитештерүчәнлеген арттыру, инде гамәлгә кертелә торган роботлаштыру турында уйлыйлар, - дип ассызыклады Радий Хәбиров.
Фото: glavarb.ru
2025 елның беренче яртыеллыгы йомгаклары буенча компания 2 млрд сумнан артык продукция төяп җибәргән, хезмәткәрләр санын һәм хезмәт хакы дәрәҗәсен арттырган. Завод импортны алмаштыру программаларында катнаша һәм заманча технологик чишелешләрне, шул исәптән роботлаштыру элементларын гамәлгә кертә.
Башкортстан Башлыгы журналистлар белән әңгәмәдә предприятиенең тотрыклы үсешен һәм нәтиҗәле эш күрсәтүен билгеләп үтте.
- Урал пружина заводы – җитештерүнең нәтиҗәле үсүенең ачык мисалы. Без монда элек булган идек һәм инде җитди үзгәрешләр күрәбез – яңа корпуслар, яңа эшләнмәләр барлыкка килгән. Предприятие импортны алыштыруга актив кушылды. Монда штатны киңәйтү һәм хезмәт җитештерүчәнлеген арттыру, инде гамәлгә кертелә торган роботлаштыру турында уйлыйлар, - дип ассызыклады Радий Хәбиров.
Фото: glavarb.ru
Новости партнеров