Башлык грантлары – игелекле эшләргә

Конкурста Башкортстан территориясендә теркәлгән һәм эшчәнлек алып барган, юридик теркәлүләренә 1 елдан артык вакыт узган коммерциячел булмаган оешмалар катнаша ала. Шулай ук коммерция карамагында булмаган оешмаларны гамәлгә куючылар арасында дәүләт, урындагы үзидарә органнары булмавы мөһим.

Бер коммерция карамагында булмаган оешмадан конкурста катнашуга бер гариза тапшырырга мөмкин. Проектны гамәлгә ашыру срогы 2026 елның 1 июненнән дә иртәрәк башланмаска һәм 2027 елның 31 маеннан да соңга калмыйча тәмамланырга тиеш. Проектны гамәлгә ашыруга 2,5 миллион сумга кадәр финанслау алырга мөмкин.

"2020 елдан алып без 17 грант оттык, тагын ун проект ярдәм алмады. Әмма җиңелүләр күп белем һәм мөмкинлекләр бирде. Моннан тыш, Башкортстан Башлыгы грантлар фонды консультацияләре ярдәмендә без ярдәм алмаган проектларның берсен эшләп бетердек, аны кабат тапшырдык һәм грантны оттык, үз бәябезне 5 баллга арттырдык. Безнең киңәш – гаризаны әзерләүне соңгы көннәргә кичектермәгез, эшне хәзер үк башлагыз. Ул чагында сез үз идеягезне шәп проектка тутырырга өлгерерсез, һәм барысы да килеп чыгачак! - диде республиканың каратэ спорты һәм Адаптив спорт федерациясе җитәкчесе Александр Махновский.

Фото: Башкортстан Хөкүмәте