Шунысын да билгеләп үтәргә кирәк, чара 33нче тапкыр уза. 2026 елда форум илнең һәм Үзбәкстанның 14 төбәгеннән 100гә якын алдынгы компанияне җыйды. Катнашучылар өчен эшлекле программа, бизнес-очрашулар, осталык дәресләре, Уфа предприятиеләре һәм оешмаларына технологик турлар, вакансияләр ярминкәсе әзерләнде.
Башкортстан Башлыгы сәламләү сүзендә билгеләп үткәнчә, ел саен Уфада тәҗрибә уртаклашу өчен төзелеш өлкәсендәге экспертлар җыела.
- Бездә төзелеш индустриясен, шәһәр төзелеше сәясәтен үстерүнең актуаль мәсьәләләре буенча фикер алышу мөмкинлеге бар. Без территорияләрне комплекслы үстерү, инновацион технологияләр һәм материаллар куллануның уңышлы мисалларын караячакбыз, - диде Радий Хәбиров. – Барыгызга да нәтиҗәле эш, ышанычлы партнерлар табу, ә сезнең компанияләрегезгә һәрвакыт алга баруларын телим.
Фото: Башкортстан Башлыгы