+14 °С
Облачно
Икътисад
10 Апреля , 05:10
Урал аръягы йөрәге, Чын Геройлар төбәге!
Башкортстан Башлыгы Радий Хәбиров эш сәфәре белән Әбҗәлил районында булды.
Урал аръягы йөрәге, Чын Геройлар төбәге!
Әскар авылында төбәк Башлыгы Радий Хәбиров яңа балалар поликлиникасы эше белән танышты. Объект “Озак һәм актив тормыш” гомумдәүләт проекты кысаларында төзелгән һәм агымдагы елның мартында файдалануга тапшырылган. Бер сменага 150 кешене кабул итүгә исәпләнгән поликлиника район балаларына беренчел медицина-санитария ярдәме күрсәтә.
Радий Хәбиров яшь пациентларны кабул итү шартларын бәяләде һәм хирург, педиатр, стоматолог, офтальмолог һәм УЗИ кабинетларын, шулай ук көндезге стационар палатасын карады.
Республика җитәкчесе медицина персоналы белән дә аралашты. Табиблар билгеләвенчә, яңа учреждение медицина ярдәме сыйфатын яхшыртырга, балаларга тикшеренү үткәрү һәм аларны дәвалау мөмкинлекләрен киңәйтергә мөмкинлек бирәчәк.
Радий Хәбиров яшь пациентларны кабул итү шартларын бәяләде һәм хирург, педиатр, стоматолог, офтальмолог һәм УЗИ кабинетларын, шулай ук көндезге стационар палатасын карады.
Республика җитәкчесе медицина персоналы белән дә аралашты. Табиблар билгеләвенчә, яңа учреждение медицина ярдәме сыйфатын яхшыртырга, балаларга тикшеренү үткәрү һәм аларны дәвалау мөмкинлекләрен киңәйтергә мөмкинлек бирәчәк.
– Без бу объектны төгәлләдек – архитектура ягыннан да матур килеп чыкты, җиһазландыру ягыннан да лаеклы. Монда заманча җиһазлар, шул исәптән эксперт классындагы УЗИ аппаратлары урнаштырылды, – диде Радий Хәбиров. – Алда яңа бурычлар тора. Иглиндә зур поликлиника төзи башлыйбыз. Моннан тыш, агымдагы елда республика бюджеты исәбенә тагын берничә фельдшер-акушерлык пункты төзиячәкбез.
Арытаба төбәк җитәкчесе Әскар авылындагы Яшьләрнең ял үзәгендә булды.
Радий Хәбиров балаларның ялы ничек оештырылуы белән танышты. Биредә алар тематик кичәләр үткәрә, волонтерлык белән шөгыльләнә, хорда җырлый, гитарада уйный, шулай ук “Беренчеләр хәрәкәте” һәм “Яшь гвардия” әгъзалары була ала.
– Без ял итү үзәкләрен тәртипкә китерә башладык. Эшне Уфада Пушкин урамында урнашкан “Йәшлек” йортыннан башладык, – диде республика Башлыгы. – Мондый учреждениеләр һәр муниципалитетта бар. Мәсәлән, Учалыда яхшы ремонт ясалды. Монда да Яшьләр үзәген ремонтлаячакбыз.
Радий Хәбиров Әскар авылының “Восточный-1” бистәсендә яңа полилингваль мәктәптә булды.
Төбәк җитәкчесе мәгариф учреждениесе мөмкинлекләре белән танышты, ул республиканың туган телләрне һәм мәдәниятне тирәнтен өйрәнүче мәктәпләр челтәрендә 12нче булды.
16,7 мең квадрат метр мәйданлы дүрт катлы бина “Демография” гомумдәүләт проекты кысаларында төзелгән. Ул 640 укучыга һәм балалар бакчасында 160 сабыйга исәпләнгән. Укыту өч телдә – урыс, башкорт һәм инглиз телләрендә алып барыла.
Башкортстан Башлыгы информатика, музыка һәм йорт хуҗалыгы кабинетларын, хореография залын һәм медпунктны карады. Радий Хәбиров укытучылар һәм укучылар белән аралашты, алар төбәк җитәкчелегенә заманча мәгариф учреждениесе өчен рәхмәт белдерде.
– Әскарда уку йортын без үсеп килүче бистә үзәгендә төзедек. Бу дөрес карар булды. Монда яшәүчеләр өчен бу бик уңайлы. Ата-аналар баланың мәктәпкә ничек барып җитүе турында хәзер азрак борчылачак, – диде Радий Хәбиров. – Полилингваль мәктәпләр челтәрен алга таба да үстерергә планлаштырабыз. Стәрлетамакта, Уфада һәм Нефтекамада тагын өч зур комплекс төзибез, – диде республика Башлыгы.
Радий Хәбиров Әбҗәлил районыннан махсус хәрби операциядә һәлак булган – Илдар Мөстәкыймов, Фидан Солтанов, Николай Искәньяров, Азат Насыйров, Рамил Баязитов, Вадим Багаув, Тимерҗан Габитов, Тимур Таипов, Радик Сафин һәм Малик Нәфыйков гаиләләре белән очрашты.
Республика Башлыгы хәрбиләрнең якыннары һәм туганнарының авыр кайгысын уртаклашты һәм аларга егетләргә хәрби бурычларны үтәгәндә күрсәткән батырлыклары өчен үлгәннән соң бирелгән генерал Шәйморатов орденын тапшырды.
– Сезнең балаларыгыз, ирләрегез – илебезне саклап, үз бурычларын намус белән үтәгән чын геройлар. Без аларның батырлыкларын беркайчан да онытмаячакбыз, – диде төбәк җитәкчесе. – Хәзер сезгә игътибар күрсәтү мөһим. Вакыты җиткәч, махсус хәрби операция безнең җиңү белән тәмамланачак, һәм без Уфада Хәтер мемориалы булдырачакбыз. Ул сугышчан бурычларын намус белән үтәгән якташларыбызның батырлыгына багышланачак.
Әскар авылында Радий Хәбиров, шулай ук, Русия Герое Тамерлан Илһамов бюстына чәчәкләр салды. СВО барышында һәлак булган сугышчыга һәйкәл узган елның октябрендә урнаштырылган.
Радий Хәбиров Урал аръягы муниципалитетлары башлыклары белән очрашты. Анда әлеге территориядәге шәһәрләрнең һәм районнарның социаль-икътисади үсеш перспективалары тикшерелде.
Төбәк җитәкчесе билгеләвенчә, Урал аръягында 400 меңгә якын кеше яши. Биредә бөтен Башкортстан икътисадына өлеш кертүче эре сәнәгать производстволары тупланган.
Очрашуда Урал аръягында эре инвестицион проектларны гамәлгә ашыру барышы, социаль һәм инфраструктура объектларын төзү һәм яңарту планнары, башка актуаль мәсьәләләр каралды.
– Урал аръягы – бик мөһим территория. Бу – безнең тарих, мәдәният, кешеләр, – диде Радий Хәбиров. – Иң мөһим темалар буенча фикер алыштык. Мин һәр муниципалитет башлыгыннан иң проблемалы мәсьәләләрне әйтүен сорадым. Кайдадыр су белән тәэмин итүдә кыенлыклар бар, кайдадыр ФАП төзергә, башка хуҗалык мәсьәләләрен хәл итәргә кирәк. Бу бурычлар белән планлы рәвештә шөгыльләнәчәкбез.
Әскар авылында Башкортстан Башлыгы, шулай ук, Әбҗәлил районы эшкуарлары белән кече бизнеска ярдәм һәм аның власть органнары белән нәтиҗәле хезмәттәшлеге темалары буенча фикер алышты.
Төбәк җитәкчесе билгеләвенчә, республикада эшкуарлык субъектлары саны, узган елдагы белән чагыштырганда, 6,5 процентка арткан һәм 153 меңгә җиткән. Башкортстан Башлыгы эшкуарларны борчыган сорауларны игътибар үзәгенә алып, ведомстволарга тиешле йөкләмәләр бирде.
Әскар авылында Радий Хәбиров, шулай ук, Русия Герое Тамерлан Илһамов бюстына чәчәкләр салды. СВО барышында һәлак булган сугышчыга һәйкәл узган елның октябрендә урнаштырылган.
Радий Хәбиров Урал аръягы муниципалитетлары башлыклары белән очрашты. Анда әлеге территориядәге шәһәрләрнең һәм районнарның социаль-икътисади үсеш перспективалары тикшерелде.
Төбәк җитәкчесе билгеләвенчә, Урал аръягында 400 меңгә якын кеше яши. Биредә бөтен Башкортстан икътисадына өлеш кертүче эре сәнәгать производстволары тупланган.
Очрашуда Урал аръягында эре инвестицион проектларны гамәлгә ашыру барышы, социаль һәм инфраструктура объектларын төзү һәм яңарту планнары, башка актуаль мәсьәләләр каралды.
– Урал аръягы – бик мөһим территория. Бу – безнең тарих, мәдәният, кешеләр, – диде Радий Хәбиров. – Иң мөһим темалар буенча фикер алыштык. Мин һәр муниципалитет башлыгыннан иң проблемалы мәсьәләләрне әйтүен сорадым. Кайдадыр су белән тәэмин итүдә кыенлыклар бар, кайдадыр ФАП төзергә, башка хуҗалык мәсьәләләрен хәл итәргә кирәк. Бу бурычлар белән планлы рәвештә шөгыльләнәчәкбез.
Әскар авылында Башкортстан Башлыгы, шулай ук, Әбҗәлил районы эшкуарлары белән кече бизнеска ярдәм һәм аның власть органнары белән нәтиҗәле хезмәттәшлеге темалары буенча фикер алышты.
Төбәк җитәкчесе билгеләвенчә, республикада эшкуарлык субъектлары саны, узган елдагы белән чагыштырганда, 6,5 процентка арткан һәм 153 меңгә җиткән. Башкортстан Башлыгы эшкуарларны борчыган сорауларны игътибар үзәгенә алып, ведомстволарга тиешле йөкләмәләр бирде.
– Әбҗәлил районы – перспективалы төбәк, – диде Радий Хәбиров. – Биредә бизнес һәрвакыт актив, эшли белә. Муниципалитет башлыгы бизнес-берлекне туплый алган, хәзер аңа яхшы динамика бирү мөһим.
