Республика сәнәгате яңа биеклекләр яулый

Башкортстан Башлыгы Радий Хәбиров “ИННОПРОМ. Үзәк Азия” эшлекле форумында республика делегациясен җитәкләде, ул Ташкентта (Үзбәкстан) уза. Чара 35тән артык илдән хакимият органнары, эшлекле даирәләр һәм эксперт берләшмәләре вәкилләрен берләштерде.

Төбәк җитәкчесе Радий Хәбиров мәртәбәле кунакларга Үзбәкстан ягы белән уртак проектларны гамәлгә ашыру, шул исәптән Ташкент өлкәсендә «Бекабад» индустриаль технопаркын төзү турында сөйләде.

- Без технопаркның мастер-планын эшләдек, идарәче компания төзедек һәм теркәдек. Бизнесның җанлы кызыксынуын күрәбез - биш потенциаль инвестор проектка 13 миллион доллардан артык инвестицияләр күләме белән керергә әзер, - диде Радий Хәбиров. - Без технопаркны Башкортстан компанияләренең производстволарын урнаштыру һәм Үзәк Азия базарларына чыгу өчен якорь ноктасы итеп карыйбыз.

Республика Башлыгы Башкортстан компанияләре вәкилләре белән дә аралашты. Әйтик, «Буринтех» фәнни-җитештерү предприятиесенең, генеральный директоры Гниятулла Ишбаев, 2022 елдан Үзбәкстанда вәкиллеге бар.

Форум кырларында Радий Хәбиров шулай ук Ташкент өлкәсенең Бекабад районы хакиме Зәйнилобиддин Низомиддинов белән очрашу үткәрде. Яклар «Бекабад» технопаркы үсеше – проектның оештыру-хокукый шартлары, потенциаль резидентлар пулы, производстволарны урнаштыру параметрлары турында фикер алышты.

Фото: glavarb.ru