Барлык яңалыклар
Фольклориада
10 июль , 20:15

Дуслык такыясы җыр-моңнардан үрелә

Хәбәр итүебезчә, әлеге минутларда Башкортстанның башкаласы Уфада искиткеч матур тамаша - Фольклориада ябылу уңаеннан матур концерт тамашасы бара.

Дуслык такыясы җыр-моңнардан үрелә
Хәбәр итүебезчә, әлеге минутларда Башкортстанның башкаласы Уфада искиткеч матур тамаша - Фольклориада ябылу уңаеннан матур концерт тамашасы бара.

Концертны Русиянең иң борынгы профессиональ халык хоры – М. Е. Пятницкий исемендәге Дәүләт академия урыс халык хоры ачып җибәрде. Ф. Гаскәров исемендәге халык биюләре ансамбле, «Аргымак» төркеме чыгышлары алкышларга күмелде.

Аннан соң программаны 19 ил (Боливия, Коста-Рика, Колумбия, Хорватия, Эстония, Индонезия, Казахстан, Кыргызстан, Польша, Черногория, Панама, Франция, Мексика, Румыния, Русия, Эквадор, Швейцария, Үзбәкстан, Парагвай) фольклорчылары чыгышы ямь өстенә ямь булды.

Бу искиткеч чыгышлар тамашачылар күңелендә озак сакланыр, чөнки мондый югары дәрәҗәдәге тантана гомергә бер була.

Фото: Динар Кәлимуллин.


Автор:Зөһрә Исламова