Чегәннәрнең беренче никах төне ничек уза?

Чегән халкының традицияләре тирән тамырларга ия, шуңа күрә туй тантанасы аерым колорит белән аерылып тора. Беренче никах төне чегәннәрдә, күп милләтләрдән аермалы буларак, туй вакытында уза һәм махсус раслауны таләп итә.

Традиция буенча, чегәннәр бик яшь чакта никахлаша. Әгәр дә Европа яшьләре өчен 19 яшьтә өйләнешү шактый сирәк күренеш булса (янәсе, иртә әле), чегән ыруындагы кәләш бу яшьтә инде карт һәм беркемгә дә кирәк булмаган кыз булып санала. Шуңа күрә чегән никахлары 15-18 яшьтә була. Гаиләге балаларны сабый чагында ук ярәшеп куярга мөмкиннәр. Әгәр дә кәләшне, мәсәлән, ун яшендә димләгәннәр икән, ул кияү гаиләсендә унбиш яшькә кадәр яши ала, шуннан соң туй ясаячак.

Чегән гаиләсендә өлкәннәрнең сүзе - закон. Шуңа күрә кияүгә яки кәләшкә кандидатны сайлау ата-аналар, нигездә, әти тарафыннан гамәлгә ашырыла. Кызның яучылау вакытында ризалыгы формаль дип санала, чөнки ул туганнарының ихтыярына каршы килә алмый. Чегәннәр туе ЗАГСта теркәүне күздә тотмый, чөнки гаиләләрдә аерылышу каралмаган. Православие чегәннәре чиркәүдә никахлаша. Туй тантанасы, гадәттә, өч көн дәвам итә һәм 300гә якын кунак исәпләнә. Бөтен чыгымнарны кияү гаиләсе үз өстенә ала, шуңа күрә гаиләдә малай тугач, шунда ук туйга акча җыя башларга кирәк. Шунысы кызык, Һиндстанда туйга, традиция буенча, киресенчә, кәләш ягы түли.

Ир-атлар һәм хатын-кызлар аерым өстәл артында утыра, бигрәк тә кәләш белән кияү, чегәннәр законы шундый. Традиция буенча, туйның икенче көнендә, яшь пар бер өстәл артына утыра.

Фото: mykaleidoscope.ru