"Үрнәкле башкорт гаиләсе" конкурсына йомгак ясалачак

27 февральдә Уфада (Уфа шәһәре, Ленин урамы, 50) «Үрнәкле башкорт гаиләсе - 2022» - «Образцовая башкирская семья» ачык республика конкурсының йомгаклау этабы һәм бүләкләү тантанасы узачак.
«Гаилә кыйммәтләре», «Гаилә осталыгы» һәм «Гаилә иҗаты» номинацияләрендә лауреатларны жюри билгели. Уфага республиканың төрле районнарыннан һәм шәһәрләреннән һәм Курган өлкәсеннән 22 гаилә киләчәк.

«Гаилә кыйммәтләре» номинациясендә конкурсның республика этабында шулай ук ХМАО-Юградан Кәепкуловлар гаиләсе дә катнаша. Кәепкуловлар дистанцион рәвештә катнашачак, ә калган конкурсантларны 27 февральдә “Башкортостан” дәүләт концертлар залында көтәләр. Һәр номинациядә 1, 2, 3нче призлы урын һәм 13 номинант, 16.00 сәгатьтә Гран-при иясе билгеле булачак. Барлык җиңүчеләргә Башкортстан Республикасы Мәдәният министрлыгы дипломнары һәм кыйммәтле бүләкләр тапшырыла. Бәйгенең җиңүчесе 100 мең сум күләмендә Гран-при алачак.

Исегезгә төшерәбез, иҗади ярыш өч этапта үткәрелде, конкурста катнашучыларны сайлап алу республиканың 7 зонасында узды. Конкурста республика территориясендә һәм Русия төбәкләрендә яшәүче, теркәлгән никахта торучы һәм балалар тәрбияләүче, шул исәптән балаларны тәрбиягә алган гаиләләр катнашты.

«Үрнәкле башкорт гаиләсе» бәйгесе 2021 елдан «Етегән - Гаилә һәм мәхәббәт көне» республика бәйрәме кысаларында уздырыла. “Етегән” башкорт бәйрәме ел саен 2016 елдан башлап язның беренче көнендә үткәрелә. БСТ телеканалы 1 мартта конкурста җиңүчеләрне бүләкләү тантанасын күрсәтәчәк. Программа 20.15 сәгатьтә булачак.

Быел «Үрнәкле башкорт гаиләсе» конкурсының географиясе сизелерлек киңәйде. Үткән елда башкорт халкының компакт яшәү төбәкләреннән бер генә гаилә катнашкан булса (Ырынбур өлкәсеннән), быел заявкалар ХМАО-Югра, Самара, Курган, Ырынбур өлкәләре һәм Пермь краеннан килгән. Курган өлкәсе һәм ХМАО-Югра вәкилләре финалга чыкты.

Конкурс безнең заманча социумда “гаилә институты”н ныгыту, туган тел һәм гореф-гадәтләрне саклаучы һәм үстерүче үрнәк гаилә башкортлар яшәгән Русия Федерациясе төбәкләре һәм Башкортстан халкы арасында үрнәк гаиләне ачыклау максатыннан үткәрелә.

Оештыручылар - Башкортстан Республикасы Мәдәният министрлыгы, Республика халыклар дуслыгы йорты, Бөтендөнья башкорт корылтае (конгрессы).