"Гаилә ипотекасы киләчәктә дә булачак!"

Бүген Русия Президенты Владимир Путин туры эфирдан сорауларга җавап бирде. Краснодарда яшәүче яшь гаилә торак шартларын яхшырту, атап әйткәндә,гаилә ипотекасына кагылышлы сорау бирде.

- Хөрмәтле Владимир Владимирович, өч ай дәвамында без гаилә ипотекасын ала алмыйбыз. Даими рәвештә әле банкларның лимитлары бетә, әле алар башлангыч взносны 20дән 50 процентка кадәр арттыра.
Әйтегез әле, зинһар, гаилә ипотекасы белән алга таба эшләр ничек торачак, чөнки хәзер аны алу бик кыен. Шулай ук, гаилә ипотекасыннан тыш, авыл ипотекасын да, IT-ны да алу мөмкин түгел диярлек. Банклар күптән түгел генә «Комбо-ипотека» программасын кертте, ул вакытта алар үз процентларын сала һәм процент ставкасы 6дан 13 процентка кадәр арта. Безгә нишләргә? - диде гаилә башлыгы.

-Бу сорауга игътибар итүегез өчен рәхмәт. Бу - тәртипсезлек. Беренчедән, бернинди лимитлар булырга тиеш түгел, һәм без Хөкүмәт белән бу тема турында фикер алыштык. Миңа вәгъдә бирелде, һәм мин бу вәгъдәнең ничек үтәлүен тикшерермен, бернинди лимитлар булмаячак. Чөнки ахыр чиктә болар барысы да дәүләт тарафыннан субсидияләр белән бәйле. Банклар өчен бу кулай булырга тиеш – гаилә ипотекасы кредитын кулланучылардан 6 процент алына, ә банк ставкасы белән әлеге алты процент арасындагы аерманы дәүләт капларга тиеш. Һәм монда дәүләт тарафыннан бернинди лимитлар булырга тиеш түгел.

Бу аерма банкларда бар, сүз уңаеннан, алар өчен бу - керем, һәм аз түгел. Шуңа күрә алар баш тартса, бу Хөкүмәт бу субсидияне банкка вакытында җибәрми дигән сүз, мөгаен. Мин моны тикшерермен. Ләкин без бернинди лимитлар булмаячагы турында килештек. Бу - беренче.

Икенчесе: Гаилә ипотекасы – алты процентка, Авыл ипотекасы – өч процентка. Бу - торак төзелешендә бик мөһим корал. Нигә? Чөнки бездә төзелгән барлык торак күләменнән, ә бу узган елда - 110 миллион квадрат метр – Советлар Союзы чорыннан бирле рекорд, моңа кадәр мондый күләи беркайчан да булмаган. Алай гына да түгел, мондый ипотеканы 40 яшькә кадәр, яки аннан бераз өлкәнрәк кешеләр ала, авыл җирлегенә күченә, яши, ипотека ала, гаиләләр төзи. Бу ипотека да бернинди лимитларга ия булырга тиеш түгел. Бу - бюджет өчен берничә дистә миллиард критик түгел, аны сакларга кирәк.

Шул ук хәл IT-ипотекага да кагыла. Һәрхәлдә, бу ташламалы ипотеканы алучы күп түгел. Күптән түгел генә без бу хакта фикер алыштык, кемдер аны капларга тәкъдим итте, монда бюджет акчаларын экономияләү күзлегеннән зур мәгънә юк.

Гаилә ипотекасы, авыл хуҗалыгы ипотекасы кала. Мин Хөкүмәттән кирәкле субсидияләр күләмен тәэмин итүне сораячакмын. Без монда тәртип урнаштырырбыз, - диде ил башлыгы.

Фото: bashinform.ru