Утызы өчен дә әни ул

Бүген - Халыкара гаилә көне. Шушы уңайдан республикада яшәүче үзенчәлекле гаилә белән таныштырасыбыз килә.

Бу гадәти булмаган гаилә утыз баланы үз канаты астына сыйдаргын, аларның өчесе үзләренеке, икесе уллыкка алынган, калган егерме бишесе тәрбиягә алынган.

Ирина сүзләренчә, өлкән унөч бала инде үз гаиләләрен булдырган һәм аерым яши, бер улы хәзерге вакытта хәрби хезмәт үтә, тугызы югары уку йортларында һәм колледжларда белем ала, ә бишесе әле мәктәптә укый. Гаилә махсус хәрби операциягә актив ярдәм итә - ике уллары һәм өч кияүләре анда катнаша. Бу гаҗәеп гаилә тарихы 2004 елда, ир белән хатын тәрбиягә алган беренче балаларын кабул иткәч башлана.

Гаилә башлыгы Вахид Вәлиев та СВОда катнашучылар рәтендә - ул контрактка узган елның сентябрендә кул куйган. Күптән түгел республика Башлыгы Радий Хәбиров аңа генерал Шайморатов медален тапшырды. СВОга бару өчен Вахид озак та уйламаган, бу карарын хатыны, балалары һәм хәтта 76 яшьлек әнисе дә тулысынча хуплаган. Ул китәр алдыннан барлык балаларны җыеп, өлкәннәр арасында элек үзе башкарган хуҗалык бурычларын бүлеп бирүен һәм кирәкле үгет-нәсихәтләр бирүен әйтә.

Ирина белән Вахид тәүдә Степан Разин урамында шәхси секторда үз йортларын төзегән, ә аннары, балалар үскән саен, бөтен кварталда үз балалары өчен торак төзи башлаганнар. Хатын билгеләп үткәнчә, балаларга ата-аналарыннан аерым яшәргә вакыт җиткәч, алар уртак көч белән аларга якын-тирәдә йортлар төзегән, шуның аркасында аларның бер баласы да Благовещенскидан китмәгән - барысы да янәшәдә яшәргә калган. Гаилә балаларына барлыгы унөч туй оештырганнар. Укуда тырышлык күрсәткән барлык балалар да югары белем алган. Хәзер ир белән хатынның инде унбиш оныгы бар.

Бу гаҗәеп гаиләнең казанышлары дәүләт тарафыннан да югары бәяләнгән. 2021 елда алар «Ата-ана батырлыгы» дәүләт бүләгенә лаек булган, ә Ирина 2023 елда «Ана даны» медале белән бүләкләнгән. Моннан тыш, 2024 елда ул Русия хатын-кыз эшкуарлары ассоциациясе оештырган «Ел директоры-Хатын-кыз» Бөтенрусия конкурсында җиңүче булды. Бүген Ирина берничә юнәлеш буенча бизнесны уңышлы үстерә һәм балалар белән бергә туган Благовещенскида хәйрия башлангычларында актив катнаша.

Вахид белән Иринаның гаиләсе Благовещенскида яшәүчеләрнең барысына да билгеле. Аларның транспорт компаниясе бар, ул пассажирлар ташу белән дә шөгыльләнә, шулай ук үсентеләр питомнигын да тота. Алар гаиләләре белән даими рәвештә "Яшел Башкортстан " акциясендә катнашалар, туган шәһәр паркларына агачлар һәм куаклар утырталар. Моннан тыш, Ирина СВО волонтеры да - ул махсус хәрби операциядә катнашучыларга гуманитар ярдәм җыя һәм шәхсән үзе китерә. Ир белән хатын үзләренең төп казанышы итеп барлык балаларына дөрес тормыш юлын һәм сәламәт гаилә үрнәген күрсәтә алуларын саный.

Ирина белән Вахидның гаилә девизы: эш сөючән һәм җаваплы ата-аналардан үрнәк алучы балалар бәхетле тормышка билет алалар.

Бу зур һәм бәхетле гаиләдә сыену тапкан балаларның һәрберсенең үз тарихы бар, әмма алар барысы да Ирина белән Вахид өчен бик якын. Февралендә, гаилә Рината исемле тагын бер кызыны тәрбиягә алган.

Мондый гаиләләр, чыннан да, респуликабызның күрке.

Фото: bashinform.ru