+21 °С
Болытлы
Гаилә учагы
9 март , 15:47
"Миннән чәчәкләр көтмә!"
Габделфәт Сафин туйдан соң ук яшь кәләшенә шуны белдереп куйган.
"Миннән чәчәкләр көтмә!"
Җырчының хәләле Рузилә Сафина үзенең сәхифәсендә бу хакта болай яза:
"Габделфәт туйлар үткәч: “Миннән чәчәкләр көтмә, гомумән, чәчәкләр биреп уйнарга яратмыйм, ачуланмассың", – дигән иде. Җавап бирмәдем. Ишетмәмешкә салыштым. Бәхәсләшү башыма да килмәде…
Еллар үтә торды, бер-береңә яраклашу процесы минем өчен озак тоелды. Ә чәчәк сорамадым. Аллаһының рәхмәте, тора-бара Габделфәт һәр бәйрәмгә, туган көнгә, тумаган көннәргә дә чәчәк бирергә өйрәнде.
Ә бүгенге көндә аңа бирелгән чәчкәләр дә минем күңелемне яктырта, нурлый, назлый. Кичә «Пирамида»да узган концерттан соң төшкән фото. Рәхмәт сезгә!" – дип язган ул һәм зур гөлләмәләр белән төшкән фотосын куйган.
"Кызыл таң"ның да МАХ мессенджерында рәсми каналы бар. Кушылыгыз!
Каналга кушылыр өчен сылтама буенча үтегез: https://max.ru/kiziltan102
Фото: социаль челтәрдән.
