Эфирда да, сәхнәдә дә халык белән

Радиотыңлаучылар белән чираттагы очрашу 13 ноябрьдә Илеш районының Югары Яркәй авылында оештырылды.

Район мәдәният йортының зур залы яхшы музыка һәм ихлас сүзне бәяләүчеләр белән тулы иде. Алар арасында СВОдан кыска вакытлы ялга кайткан сугышчылар Алексей Камалиев, Рубен Хәсәнов, Динис Шәмсиев, һәлак булган егетләрнең әниләре Зөлфирә Мостафина, Раушания Нәфыйкова, Флүрә Хәертдинова, аларның гаиләләре бар иде. Бу очрашуны оештыручыларга һәм проектны алып баручыларга тагын да күбрәк җаваплылык өстәде.

Чараның җылы атмосферасын популяр җырчылар һәм башкаручылар Г. Ильясов, Д. Сәетова, В. Юлгильдина, З. Нагаева, И. Газизов, С. Билалов, Г. Асылбаева, Ю. Сагынбаев, Ян Лира, Айдар һәм Алмаз Юнысовлар, А. Килдиярова, И. Рамазанов булдырырга ярдәм итте.

- "Юлдаш" радиосы белән очрашуны көттек, тормыш буйлап алар беләнбез, көн саен эфирда очрашабыз, яңалыклар тыңлыйбыз, кәефне күтәрәбез, киңәшләренә колак салабыз. Туган радиобызны тыңлыйбыз һәм тыңлыячакбыз. Без бергә!",- диде Илеш районы хакимияте вәкиле И. В. Никифоров һәм мәдәният бүлеге начальнигы Р. Ф. Әхмәдиев.

"Юлдаш" республика халкы белән очрашуларны дәвам итә. Аларның эфирда гына булмавы икеләтә кадерле.