Мишкәлеләр дәррәү кузгалды

Яңавыл районында «Атайсал – кече Ватаным» беренче зона форумы узды.

Яңавыллыларга кунакка Агыйдел, Нефтекама шәһәрләре, шулай ук Аскын, Балтач, Борай, Дүртөйле, Калтасы, Краснокама, Мишкә һәм Тәтешле районнары вәкилләре килде.

Мондый очрашуларның төп максаты - үз тәҗрибәң белән уртаклашу һәм республика файдасына кызыклы проектларны тормышка ашыруга илһам бирү.

Мишкәлеләр, аерым алганда, «Атайсал» ярдәмендә Кыйгазытамак авылында уртак көч белән «Хәсән» чишмәсен төзекләндерде. Урындагы халыкка бу проект эчәргә яраклы су чыганагыннан күпкә күбрәк биргән. Кешеләр чыннан да берләшкән һәм бергә күбрәк эшли алуын аңлаган. Бу хакта «Башинформ»га проектның идея илһамчысы, Кыйгазытамакта туган Хәлил Фәрвәев сөйләгән.

Хәлил Кадим улы - якташлары өчен хөрмәтле шәхес. Сигезьеллык мәктәпне тәмамлагач, Бөрегә укырга китә. Аннары Ижевск механика институтында һөнәр ала. Соңыннан Уфага күченә, анда шәһәр предприятиеләренең берсендә хезмәт юлын башлый. Актив һәм җаваплы яшь кешене тиз күреп алалар, Шуңа Күрә Хәлил Фәрвәев муниципаль хезмәткәр һәм дәүләт хезмәткәре буларак карьера ясый, пенсиягә Башкортстан Башлыгы Хакимиятенең урындагы үзидарә мәсьәләләре буенча бүлек мөдире вазыйфасыннан китә.

Еллар дәвамында тупланган идарә итү тәҗрибәсен кайда кулланырга? Мәсәлән, кече Ватанны матуррак итәргә, авыл халкын берләштерергә ярдәм итәргә. Өстәвенә, Хәлил Кадим улы апасы белән бергә әтисенең йортын саклап калалар, анда еш кайталар. Шулай итеп, ул "Атайсал" проектында актив катнашучы була. Кайсы проектны сайларга икәнен урындагы рельеф "күрсәтә". Авыл текә калкулыкларда урнашкан, бу чишмәләр барлыкка килү өчен бик яхшы шарт булып тора. Аларның берсе, "Хәсән", авыл халкы өчен иң мөһиме булып санала.

"Кыйгазытамак - чишмәләр төбәге. Халык өчен иң изгесе һәм иң кирәклесе "Хәсән" чишмәсе булган, аннан авылга нигез салынганнан бирле эчәр су алганнар. Сүз уңаеннан, "Атайсал"га беренче адымны 60 ел элек ясаганнар. Шул вакытта авыл янында нефть эзлиләр, буровиклар килә. Халык алар белән уртак тел тапкан һәм бер нефть торбасын сораган. Үзегез аңлыйсыз, алар бик ныклы. Әлбәттә, бораулаучылар аны калдырган һәм хәтта урнаштырырга булышкан. Шулай итеп, су торба буйлап агып киткән", - дип сөйли Хәлил Фәрвәев.

Һәм менә, 60 дистә елдан соң, халыкның яңа буыны чишмәне төзекләндерүен дәвам итә. 3D-проект, чыгымнар буенча исәпләүләр ясыйлар, чишмә суына лаборатор анализ үткәрәләр һәм проектны «Атайсал» платформасына урнаштыралар. Мишкәдән һәм, гомумән, Башкортстаннан читтә яшәүче якташлары актив кушыла. Шуңа күрә кирәкле 300 мең сумны тиз арада җыярга мөмкин булган.

Бу елның җәендә актив эшләр башланган һәм сентябрьдә чишмә тантаналы рәвештә ачылган.

фото: Башинформ

Автор:Резеда Галикәева

Читайте нас:

Новости партнеров

Ҡыш ҡасан килә?

Уфимский лимонарий – точка притяжения туристов со всех концов России

Балтачлар аккошлар гаиләсе өчен борчыла

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27