+9 °С
Болытлы
Барлык яңалыклар
Иман
28 апрель 2022, 12:16
Гомере буе изге хезмәттә
Рәшит Фәйзи улы Хәйбрахманов 20 ел Борай районының Яңа Кизгән авылы мәчетендә имам-хатыйб вазыйфасында хезмәт салган шәхес. Бу җаваплы, изге эшне намус, зур тырышлык белән башкарган өчен ул былтыр көзен Башкортстан мөселманнары диния нәзарәтенең Рәхмәт хаты белән бүләкләнде.
Гомере буе изге хезмәттә
— Мин — барлык гомеремне мәгариф өлкәсенә багышлаган кеше. Лаеклы ялга чыккач, туган авылым Яңа Кизгән мәчетенең имам-хатыйбы булдым. Дингә тартылуым кечкенәдән иде. Әниемнең дога аһәңнәрен тыңлап үстем. Картәтиләрем мулла иде, — ди Рәшит Фәйзи улы. — Гаиләдә ике малай үстек, әтием 1941 елның көзендә Бөек Ватан сугышына китеп, 1942 елда һәлак булуы хакында хәбәр килде. Әнием колхоз эшендә бил бөкте, һәрчак алдынгылар сафында булды, безне, балаларын, кеше арасында ким-хур итмичә үстерде.
Рәшит Хәйбрахманов туган авылында урта мәктәпне көмеш медальгә тәмамлагач (әйткәндәй, Яңа Кизгән мәктәбе тарихында ул беренче медалист), Бөре педагогия институтының физика-математика факультетына укырга керә. Егетнең белеме төпле була, ул Мәскәү югары уку йортларын яулый алыр иде, әмма ялгыз әнисенә якынрак булыр, янына еш кайтып ярдәмләшер өчен әлеге институтны сайлый.
— Бөре пединститутында белем алган елларым яшьлегемнең иң гүзәл чоры булып истә калды. Нәкъ биредә булачак гомер юлдашым Лениза Гардихан кызын очраттым. Бер факультетта укыдык, диплом алгач, никахлашып, туй үткәреп, матур итеп гаилә кордык, — ди Рәшит Хәйбрахманов.
Яшьләр хезмәт юлын Борай районының Зур Бадрак авылы мәктәбендә башлый, Рәшит Фәйзи улы — физика, хатыны математика укыта. Монда җиде ел эшлә-гәч, алар Яңа Кизгәнгә кайтып урнаша, Рәшит Хәйбрахмановка башта — завуч, аннары мәктәп директоры булырга тәкъдим итә-ләр. Эш дип янучы, һөнәренә мөкиббән белгеч хезмәттәшләренең ышанычын аклый: аның җитәкчелегендә Яңа Кизгәндә иске агач мәктәп урынында кирпечтән, зур ике катлы яңа мәктәп төзелә, укыту кабинетлары заманча итеп җиһазлана. Тынгы белмәс, таләпчән директор физика фәне буенча сыйныфтан тыш түгәрәк тә алып бара, аның укучылары фән олимпиадаларында зур уңышларга ирешә, район, республика күләмендәге тәҗрибә уртаклашу буенча укытучыларның семинар-киңәшмәләре даими Яңа Кизгәндә уза.
— Рәшит авылыбызның үзешчәннәр түгәрәге эшчәнлегендә катнашырга да вакыт таба иде. “Зәңгәр шәл”, “Казан сөлгесе” һәм башка спектакльләрнең режиссеры булды ул. Бу спектакльләр белән Яңа Кизгән артистлары республика фестивальләрендә җиңүче урыннар яулады, — ди Лениза Гардихан кызы. — Мәгариф өлкәсендә аның эш стажы – 51 ел. 1981 елда намуслы хезмәте өчен аңа “Башкорт АССРы мәктәбенең атказанган укытучысы”, ә 1987 елда “РСФСР мәктәбенең атказанган укытучысы” дигән мактаулы исемнәр бирелде. 1988 елда ул халык мәгарифе хезмәткәрләренең Бөтенсоюз съездында катнашты, анда үзенең эш тәҗрибәсе белән уртаклашты.
Ул елларда Бөре пединститутының физика-математика факультетын шаярып “Яңакизгән-леләр факультеты” дип атыйлар иде. Бу аңлашыла да: биредә студентларның күбесе безнең авыл егетләре һәм кызлары иде.
2001 елда данлыклы директор хаклы ялга чыга һәм район мөхтәсибәте аңа авыл мәхәлләсен җитәкләргә тәкъдим итә. Рәшит Фәйзи улы, дин тәгълиматын күп-тән инде үзаллы өйрәнгән кеше буларак, карышып тормый, җиң сызганып эшкә тотына. Авыл аксакалы Әхнәф Гарипов бу вакытта мәчет төзелеше белән шөгыльләнә, яңа имам-хатыйб та бар көчен биреп аңа ярдәмләшә.
Рәшит Хәйбрахманов — һич арттырусыз, туган авылының игелекле улы. Мәгариф өлкәсендә эшләгәндә дә, дин юлында хезмәт иткәндә дә ул авылдашларының, Яңа Кизгәннең бүгенгесе һәм иртәгәсе күркәм булсын дип тырыша, киләчәк буын әхлаклы, җәм-гыятькә файдалы, кирәкле кеше-ләр булып үссен өчен бөтен көчен сала.
— Физика фәне Коръән Кәримне аңлау өчен төп фән булып тора. Галәм төзелеше, табигать кануннары, галимнәрнең ачышлары – барысы да Аллаһы Тәгалә кодрәтенең чагылышы. Аның адәм балаларына биргән төп нигъмәтлә-ренең берсе – акыл. Акылга таянып, туры юлдан атлаучыларның бу фани дөньяда да, әхирәттә дә мактаулы урыны булыр, — ди Рәшит хәзрәт.
Ул үзе генә түгел, аның тугры тормыш юлдашы Лениза Гардихан кызы да биш намазын калдырмый.
— Ветеран укытучылар өчен иң күңеллесе – укучыларының аларны онытмавы, — ди Лениза абыстай. — Ел саен безне элекке укучыларыбыз истәлекле бәйрәмнәр уңаеннан котлап китә, сыйныфташлар очрашуларына хөрмәтләп чакыра. Хаҗга баручылар бүләкләр алып кайта.
Яңа Кизгәндә, укучы балалар саны азаю сәбәпле, хәзер мәктәп ябылган инде, әмма аның бинасы халыкка хезмәт итә: биредә хәзер фельдшер-акушерлык пункты, авыл Советы, мәдәният йорты, спорт залы урнашкан.
Рәшит Фәйзи улы һәм Лениза Гардихан кызы өч бала тәрбияләп үстергәннәр. Аларның барысына да югары белем алырга ярдәм иткәннәр, бүген сигез онык һәм ике турунга картәти-картәни.
— Укытучы икәнлегебезне онытмыйбыз, хәзер оныкларга физика һәм математика фәннәре серләрен ачабыз, — ди алар зур канәгатьлек белән. — Алар, безне сөендереп, бер-бер артлы югары уку йортларына керә, яхшы укыйлар.
Олыгайдык, инде тугызынчы дистәне ваклыйбыз дип тормый алар: умартачылык белән шөгыльләнә, бакчаларында җиләк-җимеш, яшелчә үстерә. Ә Лениза абыстай картиналар чигү белән мавыга.
— Кеше гүзәллекне үз куллары белән тудырып, дөньяны ямьләп яшәргә омтылырга тиеш, — ди ул.
Рәшит Фәйзи улы исә буш вакытында шигырьләр яза.
“Һидаят юлын
Раббымыз сызган.
Читкә тайпылмый
Атлыйк шул юлдан!” — ди ул иман темасына багышланган шигырендә.
Туган авылында яңа “Ән-Нур” мәчете төзелешендә катнашуы, былтыр аны тантаналы рәвештә ачулары хакында Рәшит хәзрәт зур сөенеч белән сөйләде.
— Авылларыбызны ярымайлы манаралар бизәгәндә, халкыбыз күңелендә иман нуры балкыганда, киләчәгебез өметле, — дип йомгаклады ул сүзен.
Миләүшә Латыйпова,
“Кызыл таң”ның үз хәбәрчесе.
Борай районы.
Рәшит Хәйбрахманов туган авылында урта мәктәпне көмеш медальгә тәмамлагач (әйткәндәй, Яңа Кизгән мәктәбе тарихында ул беренче медалист), Бөре педагогия институтының физика-математика факультетына укырга керә. Егетнең белеме төпле була, ул Мәскәү югары уку йортларын яулый алыр иде, әмма ялгыз әнисенә якынрак булыр, янына еш кайтып ярдәмләшер өчен әлеге институтны сайлый.
— Бөре пединститутында белем алган елларым яшьлегемнең иң гүзәл чоры булып истә калды. Нәкъ биредә булачак гомер юлдашым Лениза Гардихан кызын очраттым. Бер факультетта укыдык, диплом алгач, никахлашып, туй үткәреп, матур итеп гаилә кордык, — ди Рәшит Хәйбрахманов.
Яшьләр хезмәт юлын Борай районының Зур Бадрак авылы мәктәбендә башлый, Рәшит Фәйзи улы — физика, хатыны математика укыта. Монда җиде ел эшлә-гәч, алар Яңа Кизгәнгә кайтып урнаша, Рәшит Хәйбрахмановка башта — завуч, аннары мәктәп директоры булырга тәкъдим итә-ләр. Эш дип янучы, һөнәренә мөкиббән белгеч хезмәттәшләренең ышанычын аклый: аның җитәкчелегендә Яңа Кизгәндә иске агач мәктәп урынында кирпечтән, зур ике катлы яңа мәктәп төзелә, укыту кабинетлары заманча итеп җиһазлана. Тынгы белмәс, таләпчән директор физика фәне буенча сыйныфтан тыш түгәрәк тә алып бара, аның укучылары фән олимпиадаларында зур уңышларга ирешә, район, республика күләмендәге тәҗрибә уртаклашу буенча укытучыларның семинар-киңәшмәләре даими Яңа Кизгәндә уза.
— Рәшит авылыбызның үзешчәннәр түгәрәге эшчәнлегендә катнашырга да вакыт таба иде. “Зәңгәр шәл”, “Казан сөлгесе” һәм башка спектакльләрнең режиссеры булды ул. Бу спектакльләр белән Яңа Кизгән артистлары республика фестивальләрендә җиңүче урыннар яулады, — ди Лениза Гардихан кызы. — Мәгариф өлкәсендә аның эш стажы – 51 ел. 1981 елда намуслы хезмәте өчен аңа “Башкорт АССРы мәктәбенең атказанган укытучысы”, ә 1987 елда “РСФСР мәктәбенең атказанган укытучысы” дигән мактаулы исемнәр бирелде. 1988 елда ул халык мәгарифе хезмәткәрләренең Бөтенсоюз съездында катнашты, анда үзенең эш тәҗрибәсе белән уртаклашты.
Ул елларда Бөре пединститутының физика-математика факультетын шаярып “Яңакизгән-леләр факультеты” дип атыйлар иде. Бу аңлашыла да: биредә студентларның күбесе безнең авыл егетләре һәм кызлары иде.
2001 елда данлыклы директор хаклы ялга чыга һәм район мөхтәсибәте аңа авыл мәхәлләсен җитәкләргә тәкъдим итә. Рәшит Фәйзи улы, дин тәгълиматын күп-тән инде үзаллы өйрәнгән кеше буларак, карышып тормый, җиң сызганып эшкә тотына. Авыл аксакалы Әхнәф Гарипов бу вакытта мәчет төзелеше белән шөгыльләнә, яңа имам-хатыйб та бар көчен биреп аңа ярдәмләшә.
Рәшит Хәйбрахманов — һич арттырусыз, туган авылының игелекле улы. Мәгариф өлкәсендә эшләгәндә дә, дин юлында хезмәт иткәндә дә ул авылдашларының, Яңа Кизгәннең бүгенгесе һәм иртәгәсе күркәм булсын дип тырыша, киләчәк буын әхлаклы, җәм-гыятькә файдалы, кирәкле кеше-ләр булып үссен өчен бөтен көчен сала.
— Физика фәне Коръән Кәримне аңлау өчен төп фән булып тора. Галәм төзелеше, табигать кануннары, галимнәрнең ачышлары – барысы да Аллаһы Тәгалә кодрәтенең чагылышы. Аның адәм балаларына биргән төп нигъмәтлә-ренең берсе – акыл. Акылга таянып, туры юлдан атлаучыларның бу фани дөньяда да, әхирәттә дә мактаулы урыны булыр, — ди Рәшит хәзрәт.
Ул үзе генә түгел, аның тугры тормыш юлдашы Лениза Гардихан кызы да биш намазын калдырмый.
— Ветеран укытучылар өчен иң күңеллесе – укучыларының аларны онытмавы, — ди Лениза абыстай. — Ел саен безне элекке укучыларыбыз истәлекле бәйрәмнәр уңаеннан котлап китә, сыйныфташлар очрашуларына хөрмәтләп чакыра. Хаҗга баручылар бүләкләр алып кайта.
Яңа Кизгәндә, укучы балалар саны азаю сәбәпле, хәзер мәктәп ябылган инде, әмма аның бинасы халыкка хезмәт итә: биредә хәзер фельдшер-акушерлык пункты, авыл Советы, мәдәният йорты, спорт залы урнашкан.
Рәшит Фәйзи улы һәм Лениза Гардихан кызы өч бала тәрбияләп үстергәннәр. Аларның барысына да югары белем алырга ярдәм иткәннәр, бүген сигез онык һәм ике турунга картәти-картәни.
— Укытучы икәнлегебезне онытмыйбыз, хәзер оныкларга физика һәм математика фәннәре серләрен ачабыз, — ди алар зур канәгатьлек белән. — Алар, безне сөендереп, бер-бер артлы югары уку йортларына керә, яхшы укыйлар.
Олыгайдык, инде тугызынчы дистәне ваклыйбыз дип тормый алар: умартачылык белән шөгыльләнә, бакчаларында җиләк-җимеш, яшелчә үстерә. Ә Лениза абыстай картиналар чигү белән мавыга.
— Кеше гүзәллекне үз куллары белән тудырып, дөньяны ямьләп яшәргә омтылырга тиеш, — ди ул.
Рәшит Фәйзи улы исә буш вакытында шигырьләр яза.
“Һидаят юлын
Раббымыз сызган.
Читкә тайпылмый
Атлыйк шул юлдан!” — ди ул иман темасына багышланган шигырендә.
Туган авылында яңа “Ән-Нур” мәчете төзелешендә катнашуы, былтыр аны тантаналы рәвештә ачулары хакында Рәшит хәзрәт зур сөенеч белән сөйләде.
— Авылларыбызны ярымайлы манаралар бизәгәндә, халкыбыз күңелендә иман нуры балкыганда, киләчәгебез өметле, — дип йомгаклады ул сүзен.
Миләүшә Латыйпова,
“Кызыл таң”ның үз хәбәрчесе.
Борай районы.
Фото: М.Латыйпова
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27