+22 °С
Яңгыр
Иман
22 Май 2022, 19:50
Тынычлык, иминлек, бердәмлек булсын!
Укыган догаларыбыз да, изге эш-гамәлләребез дә шушы максатка юнәлтелгән, ди Кырмыскалы районының дини җәмәгатьчелеге.
Тынычлык, иминлек, бердәмлек булсын!
Рамазан ае сизелми дә узып китте. Ай дәвамында Кырмыскалы районы мәчетләрендә җәмәгать белән тәрәвих намазлары укылды, ифтар мәҗлесләре оештырылды. Ә Ураза гаете иртәсендә авылларыбыз мәчетләрендә бәйрәм вәгазьләре яңгырады, бергәләп намазлар укылды, сый-хөрмәт тулы табыннар корылды.
Шәйморатовлылар бердәм
Шәйморатов авылы мәчетендә бәйрәм чарасын имам-хатыйп Әфкать хәзрәт Нигъмәтуллин үткәрде. Ул уразаның әһәмияте турында вәгазь сөйләде, изге Коръән аятьләрен укып, дога кылды. Иман йортына җыелучыларны бәйрәм белән район хакимияте вәкиле Айдар Бәкиров, авыл хакимияте башлыгы Илвир Моратшин да тәбрикләде.
Изге Рамазан ае дәвамында биредә ифтар мәҗлесләре дә оештырылды. Шуларның берсен күрше Илтирәк авылында яшәүче Әүхәдиевлар гаиләсе уздырган иде. Ә гает көнендә мәрхүм Фатыйма һәм Рифкать Хәмидуллиннарның балалары әти-әниләренә багышлап корбан чалдырды. Шулай ук урындагы “Шәйморатов” җәмгыяте җитәкчесе Артур Нургалиев, район кулланучылар җәмгыяте рәисе Рәвис Хаҗиев та иганә ярдәме күрсәттеләр. Һәм, әлбәттә, авыл халкы да мәчеткә күчтәнәчләр белән килде. Авылның уңган хатын-кызлары иртә таңнан килеп табын корды. Әйткәндәй, Резида Бәкирова, Фәридә Хәбирова, Лилия Басыйрова, Зифа Мөкъминова, Рәмилә Мөхәммәдҗанова һәм Әлфия Хәйретдинова һәрбер бәйрәм саен табын әзерләүгә зур өлеш кертә. Әлфия Рәшит кызы исә мәчет ачылганнан бирле кайнар ашларны үзе әзерли. Табын әзерләүче апалар әйтүенчә, имам-хатыйпның бер генә үтенечен дә кире какмыйлар. Заманында урындагы “Шәйморатов” колхозына җи-тәкчелек итеп, аннан соң имам-хатыйп бурычларын үз өстенә алган Әфкать Нигъмәтуллинның “Йөкләтелгән икән, эшләргә!” дигән девизына авыл халкы бүген дә тугры кала.
Һәр изге башлангыч хуплау таба
Олыкүл авылында Ураза гаете тагын бер истәлекле вакыйга белән үрелде – биредә “Зөләйха” мәдрәсәсен ачу тантанасы узды. Иман йорты узган елның көзендә ук эшчәнлеген башлап җибәрсә дә, пандемия сәбәпле, күпсанлы кунаклар катнашлыгында ачылмаган иде әле. Бу көнне биредә зур бәйрәм үтте. Өч бүлмәле фатирын мәдрәсә итеп “Нургали” мәчете карамагына тапшырган Рәсимә апа Фәвәрисова бу уңайдан Аллаһ илчесе – Мөхәммәд Мостафа салләллаһу галәйһи вә сәлләм рухына багышлап корбан чалдырды. Бу изге эштә аңа Хөсәеновлар гаиләсе, туганнары, авылдашлары да зур ярдәм күрсәтте. Бәйрәм булгач, бүләкләрсез дә булмый. Сахай авылыннан Рәис Хәлилов, Кырмыскалыдан Ренара һәм Ринат Даяновлар һәм башкалар мәдрәсәгә утыргычлар, шкафлар тапшырды. Ә анда укучы балалар Марат хәзрәт Бүләков җитәкчелегендә берничә ай дәвамында күпме белем үзләштергән! Бу көнне алар җыелучыларны үзләренең чыгышлары белән сөендерде.
Бәйрәм табыны артында соңгы елларда башкарылган бихисап изге эшләрне дә барлап, ярдәм итүчеләргә рәхмәт сүзләре яңгырады. Әйткәндәй, авылдагы ике зиратны төзекләндерүдә авыл халкы зур ярдәм күрсәтә. Акчалата да, кул көче белән дә үз өлешен кертүчеләрнең күп булуы бик куанычлы күренеш. Шул исәптән апалы-сеңелле Зәйтүнә һәм Рәсимә Фәвәрисовалар да пенсия акчасын шушы изге эшләргә даими рәвештә юнәлтеп тора. Авылның имам-хатыйбы Әлфәрит хәзрәт Ширгазин төрле яклап ярдәм кулы сузган изге күңелле кешеләр – Зилә һәм Радик Галләмовлар, Мөршидә һәм Фәрит Сираҗетдиновлар, Таһир Әрдәширов, Ринат Фәхрисламов, Раушания Кәшфуллина, Гөлчәчәк Хөснетдинова, Гүзәл һәм Миңнеәхмәт Әделгәрәевлар, Фәнүзә Шәрифуллина, Ринат Әделгәрәев, Владимир Гончаров һәм башкаларга чиксез рәхмәтләрен җиткереп, дога кылды. Изге рамазан ае дәвамында ифтар ашларын уздыруда “Уңыш” кафесы (Әлмиевлар гаиләсе) һәм “Бүләк” кафесы (Айгөл Кускилдина) зур ярдәм күрсәткән.
Киләчәккә дә олыкүллеләр бихисап изге ниятләр белән яна. Шуларның иң мөһиме – аек яшәү рәвешен пропагандалау. Чөнки аек кеше генә бәхетле һәм хөрмәтле була, изге гамәлләр кылып, уңышка ирешә, ныклы матур гаилә кора. Ә күркәм гаиләләр күбрәк булган саен, җәмгыятебездә дә тәртип, тынычлык, иминлек тантана итәчәк.
Кырмыскалылылар Ураза бәйрәмен әнә шулай бергәләп, матур уй-ниятләр белән, күркәм итеп билгеләп үтте. Бәйрәм яктысы, җылысы һәр йортка керсен, илебезгә тынычлык, иминлек китерсен иде.
Эльвира Ямалетдинова,
“Кызыл таң”ның үз хәбәрчесе.
Кырмыскалы районы.
Шәйморатовлылар бердәм
Шәйморатов авылы мәчетендә бәйрәм чарасын имам-хатыйп Әфкать хәзрәт Нигъмәтуллин үткәрде. Ул уразаның әһәмияте турында вәгазь сөйләде, изге Коръән аятьләрен укып, дога кылды. Иман йортына җыелучыларны бәйрәм белән район хакимияте вәкиле Айдар Бәкиров, авыл хакимияте башлыгы Илвир Моратшин да тәбрикләде.
Изге Рамазан ае дәвамында биредә ифтар мәҗлесләре дә оештырылды. Шуларның берсен күрше Илтирәк авылында яшәүче Әүхәдиевлар гаиләсе уздырган иде. Ә гает көнендә мәрхүм Фатыйма һәм Рифкать Хәмидуллиннарның балалары әти-әниләренә багышлап корбан чалдырды. Шулай ук урындагы “Шәйморатов” җәмгыяте җитәкчесе Артур Нургалиев, район кулланучылар җәмгыяте рәисе Рәвис Хаҗиев та иганә ярдәме күрсәттеләр. Һәм, әлбәттә, авыл халкы да мәчеткә күчтәнәчләр белән килде. Авылның уңган хатын-кызлары иртә таңнан килеп табын корды. Әйткәндәй, Резида Бәкирова, Фәридә Хәбирова, Лилия Басыйрова, Зифа Мөкъминова, Рәмилә Мөхәммәдҗанова һәм Әлфия Хәйретдинова һәрбер бәйрәм саен табын әзерләүгә зур өлеш кертә. Әлфия Рәшит кызы исә мәчет ачылганнан бирле кайнар ашларны үзе әзерли. Табын әзерләүче апалар әйтүенчә, имам-хатыйпның бер генә үтенечен дә кире какмыйлар. Заманында урындагы “Шәйморатов” колхозына җи-тәкчелек итеп, аннан соң имам-хатыйп бурычларын үз өстенә алган Әфкать Нигъмәтуллинның “Йөкләтелгән икән, эшләргә!” дигән девизына авыл халкы бүген дә тугры кала.
Һәр изге башлангыч хуплау таба
Олыкүл авылында Ураза гаете тагын бер истәлекле вакыйга белән үрелде – биредә “Зөләйха” мәдрәсәсен ачу тантанасы узды. Иман йорты узган елның көзендә ук эшчәнлеген башлап җибәрсә дә, пандемия сәбәпле, күпсанлы кунаклар катнашлыгында ачылмаган иде әле. Бу көнне биредә зур бәйрәм үтте. Өч бүлмәле фатирын мәдрәсә итеп “Нургали” мәчете карамагына тапшырган Рәсимә апа Фәвәрисова бу уңайдан Аллаһ илчесе – Мөхәммәд Мостафа салләллаһу галәйһи вә сәлләм рухына багышлап корбан чалдырды. Бу изге эштә аңа Хөсәеновлар гаиләсе, туганнары, авылдашлары да зур ярдәм күрсәтте. Бәйрәм булгач, бүләкләрсез дә булмый. Сахай авылыннан Рәис Хәлилов, Кырмыскалыдан Ренара һәм Ринат Даяновлар һәм башкалар мәдрәсәгә утыргычлар, шкафлар тапшырды. Ә анда укучы балалар Марат хәзрәт Бүләков җитәкчелегендә берничә ай дәвамында күпме белем үзләштергән! Бу көнне алар җыелучыларны үзләренең чыгышлары белән сөендерде.
Бәйрәм табыны артында соңгы елларда башкарылган бихисап изге эшләрне дә барлап, ярдәм итүчеләргә рәхмәт сүзләре яңгырады. Әйткәндәй, авылдагы ике зиратны төзекләндерүдә авыл халкы зур ярдәм күрсәтә. Акчалата да, кул көче белән дә үз өлешен кертүчеләрнең күп булуы бик куанычлы күренеш. Шул исәптән апалы-сеңелле Зәйтүнә һәм Рәсимә Фәвәрисовалар да пенсия акчасын шушы изге эшләргә даими рәвештә юнәлтеп тора. Авылның имам-хатыйбы Әлфәрит хәзрәт Ширгазин төрле яклап ярдәм кулы сузган изге күңелле кешеләр – Зилә һәм Радик Галләмовлар, Мөршидә һәм Фәрит Сираҗетдиновлар, Таһир Әрдәширов, Ринат Фәхрисламов, Раушания Кәшфуллина, Гөлчәчәк Хөснетдинова, Гүзәл һәм Миңнеәхмәт Әделгәрәевлар, Фәнүзә Шәрифуллина, Ринат Әделгәрәев, Владимир Гончаров һәм башкаларга чиксез рәхмәтләрен җиткереп, дога кылды. Изге рамазан ае дәвамында ифтар ашларын уздыруда “Уңыш” кафесы (Әлмиевлар гаиләсе) һәм “Бүләк” кафесы (Айгөл Кускилдина) зур ярдәм күрсәткән.
Киләчәккә дә олыкүллеләр бихисап изге ниятләр белән яна. Шуларның иң мөһиме – аек яшәү рәвешен пропагандалау. Чөнки аек кеше генә бәхетле һәм хөрмәтле була, изге гамәлләр кылып, уңышка ирешә, ныклы матур гаилә кора. Ә күркәм гаиләләр күбрәк булган саен, җәмгыятебездә дә тәртип, тынычлык, иминлек тантана итәчәк.
Кырмыскалылылар Ураза бәйрәмен әнә шулай бергәләп, матур уй-ниятләр белән, күркәм итеп билгеләп үтте. Бәйрәм яктысы, җылысы һәр йортка керсен, илебезгә тынычлык, иминлек китерсен иде.
Эльвира Ямалетдинова,
“Кызыл таң”ның үз хәбәрчесе.
Кырмыскалы районы.
Тынычлык, иминлек, бердәмлек булсын!
