Бөре өязе мәчетләрендә кемнәр имам булып торган?

Бөре өязе – Уфа губернасының иң зур административ берәмлекләре¬нең берсе. Ул бүгенге Башкортстанның Аскын, Балтач, Бөре, Борай, Дүртөй¬ле, Илеш, Караидел, Калтасы, Краснокама, Мишкә, Тәтешле, Яңавыл, өлешчә Кушнаренко һәм Чакмагыш районнары территорияләрен үз эченә алган.

Имам – мөселманнарны үзенә ияртеп намаз укытучы мәхәллә башлыгы; берәр гыйльми карашны, мәсләкне нигезләүче, берәр дини төркемнең, мәзһәбнең башында торучы. Имам – дини дәрәҗә һәм һөнәр түгел. Исламның беренче елларында намазда имам вазыйфасын Пәйгамбәребез Мөхәммәд (с.г.в.) үзе, аның вафатыннан соң хәлифәләр башкарган. Пәйгамбәребез Мөхәммәд (с.г.в.) һәм хәлифәләр намазда гына түгел, ә берүк вакытта мөселманнар общинасының да җитәкчеләре, имам-хәлифләр иң югары сәяси һәм рухи авторитет та булып торганнар.

Шәригать буенча имам вазыйфасын намаз тәртибен белгән теләсә кайсы балигъ мөселман башкара ала. Җәмәгать намазында имам торучыга 10 шарт бар: Коръәнне тәҗвид белән дөрес уку; намаздагы тәкбирләрне тиешенчә һәм дөрес әйтү; намаздагы рәкүгъ һәм сәҗдәләрне җиренә җиткереп үтәү; үзен хәрам һәм шөбһәдән саклау; үзенең киемен һәм тәнен мәкруһ нәрсәләрдән саклау; җәмәгать ризалыгыннан тыш, кыйраәтне озак укымау; мактанмау; гөнаһларыннан тәүбә кылуны сорамыйча намазга басмау; үзе өчен генә дога кылмау; мәчеткә берәр мосафир керсә, хәлен белү, ашату, эчертү, кирәк кадәр ярдәм итү.

Имам – фәкать юл күрсәтүче генә. Ул юлдан ничек барырга, ничек ул юлга чыгарга икәнлеге һәркемнең үз эше.

Фото: Фәнүз Хәбибуллин