+17 °С
Болытлы
Барлык яңалыклар
Иман
26 сентябрь 2022, 08:40
Аллаһ йорты яңарыш кичерә
Кырмыскалы районының Шәйморатов авылы мәчетендә күптән көтелгән төзекләндерү эшләре бара.
Аллаһ йорты яңарыш кичерә
Нил Хәмитовның исеме Кырмыскалы районында күпләргә яхшы таныш. Варшавка авылында туып-үскән “Нил һәм К” медицина концерны җәмгыятенең генеральный директоры туган төягенең язмышына беркайчан да битараф булмады һәм еш кына теге яки бу проектларны тормышка ашыруда актив катнашып килә. Шулай, ике ел элек Варшавка авылына кергән җирдә истәлекле арка барлыкка килде. Ә күптән түгел Нил Галимҗан улы Шәйморатов авылы мәчетенә ярдәм итәргә булды.
Әйткәндәй, дистә еллар элек төзелеш барган чорда ул, байтак чыгымнарны үз иңенә алып, авылны мәчетле иткән иде. Юкка гына авыл халкы тирән хөрмәт билгесеннән иман йортына аның әти-әнисе исемен бирмәде бит. “Галимҗан һәм Гатия” мәчете бу елларда имам-хатыйп Әфкать хәзрәт Нигъмәтуллин җитәкчелегендә авыл халкына намаз уку, Корбан, Ураза гаетләрен, ифтарлар уздыру, аксакаллар белән җыелышып аралашу, рухи азык алу урыны булып хезмәт итә.
Әлбәттә, мәчет төзелүгә ике дистә ел үткән. Төзекләндерү эшләре дә күптән таләп ителә иде. Башкарасы эшләр бик күп җыелган: түбәне дә ремонтларга, идәннәрне дә яңартырга кирәк, стеналарда да ярыклар барлыкка килгән. Көзге-кышкы чорда мәчетне халык җыелыр алдыннан җылыту өчен Әфкать хәзрәткә бик авырга төшә иде. Ә гыйбадәтханәне җыештыру, тәртипкә китерү кебек эшләрне, гадәттә, даими рәвештә авыл халкы ярдәме белән бергәләшеп башкаралар.
Күптән түгел көчле җил вакытында мәчетнең манарасына да зыян килде. Имам-хатыйп авылның уңган егетләрен җыеп, алар аны тиз арада төзекләндереп куйды. Ә мондый зур эшне үзләре генә җиңеп чыгарлык түгел. Шуңа Әфкать хәзрәт янә Нил Хәмитовка мөрәҗәгать иткән. Өстәвенә, Корбан гаете алдыннан якташыбыз авыл мәчетенә зур бүләк ясаган иде инде. Ул алып биргән үлән чапкыч бәйрәм алдыннан зур биләмәне тәртипкә китерүдә бик урынлы булды. Һәм менә Нил Галимҗан улының ярдәме белән августта биредә ремонт башланды.
Стеналар эчке яктан тышланган булса да, анда ярыклар барлыкка килгән. Шуңа иң тәүдә бүрәнәләр арасына мүк тутырдылар, җылыттылар һәм гипсокартон белән тышладылар. Шулай ук идәннәр дә җылытыла, киләчәктә анда OSP-плитәләр һәм яңа ковролин җәеләчәк, яңа ишекләр куелачак, тәрәзәләр буялачак.
Мәчетнең ишегалдында да эшләр җәелдерелгән. Мин барганда эшчеләр яңа капка урнаштыру белән мәшгуль иде. Шул ук вакытта ишектән капкага кадәр яңа асфальт түшәлә.
Башланган эш – беткән эш, дигәндәй, мәчетнең эчке ягы бөтенләй үзгәргән, яктырып киткән. Әфкать Мәүлинбирде улы да көн дә шунда, кулыннан килгәнчә ярдәм итә. Төзекләндерү эшләре баруга карамастан, гыйбадәтханәдән кеше өзелми. Күрше авылларның дин әһелләре дә килеп, төзекләндерү барышы белән кызыксына һәм эшчеләр белән бергәләп намаз укыйлар.
Тиздән, Аллаһы боерса, Шәйморатов һәм күрше авыллар халкы дини бәйрәмнәрне, җомга намазларын җылы һәм яңартылган күркәм мәчеттә үткәрә башлаячак.
Эльвира ЯМАЛЕТДИНОВА,
“Кызыл таң”ның үз хәбәрчесе.
Кырмыскалы районы.
Әйткәндәй, дистә еллар элек төзелеш барган чорда ул, байтак чыгымнарны үз иңенә алып, авылны мәчетле иткән иде. Юкка гына авыл халкы тирән хөрмәт билгесеннән иман йортына аның әти-әнисе исемен бирмәде бит. “Галимҗан һәм Гатия” мәчете бу елларда имам-хатыйп Әфкать хәзрәт Нигъмәтуллин җитәкчелегендә авыл халкына намаз уку, Корбан, Ураза гаетләрен, ифтарлар уздыру, аксакаллар белән җыелышып аралашу, рухи азык алу урыны булып хезмәт итә.
Әлбәттә, мәчет төзелүгә ике дистә ел үткән. Төзекләндерү эшләре дә күптән таләп ителә иде. Башкарасы эшләр бик күп җыелган: түбәне дә ремонтларга, идәннәрне дә яңартырга кирәк, стеналарда да ярыклар барлыкка килгән. Көзге-кышкы чорда мәчетне халык җыелыр алдыннан җылыту өчен Әфкать хәзрәткә бик авырга төшә иде. Ә гыйбадәтханәне җыештыру, тәртипкә китерү кебек эшләрне, гадәттә, даими рәвештә авыл халкы ярдәме белән бергәләшеп башкаралар.
Күптән түгел көчле җил вакытында мәчетнең манарасына да зыян килде. Имам-хатыйп авылның уңган егетләрен җыеп, алар аны тиз арада төзекләндереп куйды. Ә мондый зур эшне үзләре генә җиңеп чыгарлык түгел. Шуңа Әфкать хәзрәт янә Нил Хәмитовка мөрәҗәгать иткән. Өстәвенә, Корбан гаете алдыннан якташыбыз авыл мәчетенә зур бүләк ясаган иде инде. Ул алып биргән үлән чапкыч бәйрәм алдыннан зур биләмәне тәртипкә китерүдә бик урынлы булды. Һәм менә Нил Галимҗан улының ярдәме белән августта биредә ремонт башланды.
Стеналар эчке яктан тышланган булса да, анда ярыклар барлыкка килгән. Шуңа иң тәүдә бүрәнәләр арасына мүк тутырдылар, җылыттылар һәм гипсокартон белән тышладылар. Шулай ук идәннәр дә җылытыла, киләчәктә анда OSP-плитәләр һәм яңа ковролин җәеләчәк, яңа ишекләр куелачак, тәрәзәләр буялачак.
Мәчетнең ишегалдында да эшләр җәелдерелгән. Мин барганда эшчеләр яңа капка урнаштыру белән мәшгуль иде. Шул ук вакытта ишектән капкага кадәр яңа асфальт түшәлә.
Башланган эш – беткән эш, дигәндәй, мәчетнең эчке ягы бөтенләй үзгәргән, яктырып киткән. Әфкать Мәүлинбирде улы да көн дә шунда, кулыннан килгәнчә ярдәм итә. Төзекләндерү эшләре баруга карамастан, гыйбадәтханәдән кеше өзелми. Күрше авылларның дин әһелләре дә килеп, төзекләндерү барышы белән кызыксына һәм эшчеләр белән бергәләп намаз укыйлар.
Тиздән, Аллаһы боерса, Шәйморатов һәм күрше авыллар халкы дини бәйрәмнәрне, җомга намазларын җылы һәм яңартылган күркәм мәчеттә үткәрә башлаячак.
Эльвира ЯМАЛЕТДИНОВА,
“Кызыл таң”ның үз хәбәрчесе.
Кырмыскалы районы.
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27